Акчарлак газетасы

2023-03-29 16:12:29 Ачык / Комментарий

2023-03-29 15:56:13 Ачык / Комментарий

2023-03-28 19:22:25 ТӨРМӘЧЕ РАФИЛ: "КАБАТ УТЫРСАМ ДА, ДОНБАСС АША ЯРТЫ ЕЛ ЭЧЕНДӘ КАЙТЫП ҖИТӘМ МИН"

Күп тапкыр төрмә юлын таптаган Рафил Фәтхрахманов Арча районы Күлтәс авылын дер селкетеп тора икән. Редакциягә шундый хәбәр килеп иреште. Авыл халкы исеменнән бәйнә-бәйнә язылган хаты да бар.

Бер карасаң, моның нәрсәсе гаҗәп инде? Гадәттә, авыл саен андый бер кеше була: төрмәдән кайта да кире китә, кайта да китә... Ләкин Күлтәстәге Рафил башка “чикләвек” – ул хәтта авыл участковыеның “башына җиткән”! Авыл участковые Рөстәм Якупов исән-сау, әлбәттә. Ләкин хәзерге вакытта эшеннән читләштерелгән, ул Рафил Фәтхрахмановны кыерсытуда гаепләнә. Төгәлрәге, кулын, берничә кабыргасын сындыруда.

Эш ничек булган соң? Башта Рафил үзенең өенә караклар кереп, компьютерын һәм кайбер кыйммәтле әйберләрен чәлдергәннәр дип чаң суга. Участковый Якупов җинаять урынына тиз арада килеп җитә...

ЯЗМАНЫ "АКЧАРЛАК"НЫҢ ИРТӘГӘ ЧЫГАЧАК ЯҢА 12 САНЫННАН УКЫГЫЗ.
Автор - Лилия ЗАҺИДУЛЛИНА. Ачык / Комментарий

2023-03-28 18:14:34 БОРЫЧЛАРГА КҮП СУ СИПМӘГЕЗ
(ФАЙДАЛЫ КИҢӘШНЕ ҮЗЕГЕЗГӘ АЛЫРГА ОНЫТМАГЫЗ )

Бу чир дә, бактерия дә, инфекция дә түгел. Күп очракта су күп сипкәннән барлыкка килә. Борычларга әз генә су сибү җитә. Яфраклары артык суны үзләштереп бетерә алмагач, шундый төрткеләр барлыкка килә. Аннан яфраклары коела башлый, тамырлары череп, үсенте үлә.

Алдан күреп җитешсәгез, җирен киптерергә кирәк. Йомшартыгыз, савытларына өстәмә тишекләр тишегез. Бик җылы урынга куегыз
яки туфрагын алыштырыгыз. Кояшлы тәрәзә төбенә куегыз. Ничек тә җирен киптерү ягын карагыз. Бер атнадан “Эпин” препараты сиптерегез. Кояш нурлары күрмәсә, куе булса, җилләп утыра алмаса, температура уйнаса да “водянка” барлыкка килә. Бу шулай ук помидорда да, кәбестәдә дә була.

#БакчадаТатарстан
#акчарлакгазетасы
#бакчачыпочмагы Ачык / Комментарий

2023-03-28 18:14:06 ИЛНАТ ФӘРХУЛЛИН: "СОҢГЫ ЕЛЛАРДА ТОРМЫШ БИК ИЗДЕ"

Җырчы, композитор Илнат Фәрхуллинны редакциягә чакырдым. Бу хәл Яңа ел алдыннан булган иде. Әңгәмәне яз аенда чыгарам дип, махсус саклап тоттым.

– Әйдә, Илнат, 40 минут вакытым бар, дидең, бүген синең гаилә турында сөйләшәбез.
Тик Илнат гаиләсе турында сөйләшергә яратмый булып чыкты. “Гаиләм – ул минем балаларым”, – дип кенә чикләнде. Шуңа да сораулар күбрәк иҗаты турында булды.

– Тормышта ялгышлыклар күп кыласыңмы?
– Минем ялгышулар кешегә якты чырай күрсәтеп, ярдәм иткәннән соң
башлана.

– Әйбәт ялгышлар бит бу.
– Артык ыштансыз булырга ярамый. Соңгы елларда тормыш бик изде.
Бернәрсәсез калдым: фатирсыз, машинасыз. Бер борчу өстенә икенчесе
өелде. Төркемнән киттем, әни чирли... Бу – ике-өч ел элек булган хәлләр. Эшкә җәяү йөрдем. Бер сәгать студиягә барам, бер сәгать кайтам. Маршруткада йөрергә дә акчам юк. Автобус, трамвайга утырсам, кеше таный. Дуслар, танышлардан да ишетәсең...
ДӘВАМЫ: https://vk.com/wall-170103807_22361 Ачык / Комментарий

2023-03-28 18:12:24 “НАМАЗ УКЫГАНДА ЕЛАП ҖИБӘРСӘҢ, НАМАЗ БОЗЫЛАМЫ?"
Ләйсән, Уфа.

Йосыф хәзрәт Дәүләтшин җавабы:
– Гыйбадәт вакытында елау кешенең ихласлыгын күрсәтә. Намаз вакытында Пәйгамбәребез (с.г.в.) дә, сәхабәләр дә күп елаганнар. “Пәйгамбәрнең күз яшьләре сакалын чылата иде”, – дип сөйләгән сәхабәләре. Әмма намазда елау кешенең Аллаһка ялваруы, Аңа
өметләнүе, куркуы белән бәйле булырга тиеш, коры дөньяга кайтып калырга тиеш түгел. Ачык / Комментарий

2023-03-28 14:23:13 — Зәфнүнә апа, мәчет тирәсен тәрбияләп тору сезгә авырлык тудырмыймы?
— Аның бер авырлыгы да юк, авырмасам, күңелем тыныч булса, рәхәт кенә бит ул. Мәчеткә барып кайту тормышыма нур иңдерә. Азан тыңлаганда, күңелем тула, күз яшьләрем үзеннән-үзе ага башлый.

Зәфнүнә апага 75 яшь булса да, бер дә тик тормый үзе. Көнозын урамда, нидер эшләп йөри ул. Бәрәңге бакчасы чиста, эскәк белән утаган кебек. Сарыклар да асрый, капка төбендәге куе бәбкә үләндә чебиләре белән бергә тавыклары да “тәгәрәшеп” йөри иде.

— Иртән өчләр тулып, дүртенчеләр киткәч, бәрәңге бакчасына чыгып эшлим. Көндез эссе бит, иелеп эшләве авыр. Көнем кош-корт, маллар арасында уза, — ди ул.

— Кичләрен нишлисез?
— Бәйләргә бик яратам, сарык йоныннан оекбашлар бәйлим. Йонны үзем язам, үзем эрлим. Хәзер бит яшьләр кул эше тотмый. Йоклый алмаганда, төнлә торып та бәйләм белән утыра алам. Кышларын иртәнге өченче яртыларда уянам, терлекләргә эчерергә дип башта су кайнатырга куям. Шул кайнап чыккан арада бәйләп алам.

— Йонны сарыклардан үзегез аласызмы?
— Әйе, үзем кыркып чыгам мин аларны. Йонны элек кайнатып, койма башларына элеп киптерәләр иде бит. Мин чиста һәм кыска йонны гына кулланам. Йонны эрләгәннән соң катам, аннары юам. Иң элек суда керләрен чыгарам, аннары өстенә чажылдап торган кайнар су җибәрәм. Оекбашлар матур, йомшак була...

ЯЗМА ТУЛЫСЫНЧА "АВЫРМАС ӨЧЕН 101 КИҢӘШ" ГАЗЕТАСЫНДА БАСЫЛДЫ.
Автор - Чулпан ГЫЙРФАНОВА. Ачык / Комментарий

2023-03-28 14:22:42 Ачык / Комментарий

2023-03-27 20:40:21 Курчак театрында еш буласызмы, дуслар? Соңгы тапкыр нинди спектакль карадыгыз?
#акчарлакгазетасы Ачык / Комментарий

2023-03-27 20:23:53 Балачакта боз яларга ярата идегезме?
​ Ачык / Комментарий