Акчарлак газетасы

"МОШЕННИКЛАР АКЦИЯЛӘРЕМНЕ ҮЗЛӘШТЕРДЕ"

Әнә шулай дип Сарман районы Җәлил бистәсендә гомер итүче Ирек Маннанов шалтыратты безгә. Адвокатка барган, прокурорга язган, судка биргән. Нәтиҗәсез, ди. Законнарның тиешле дәрәҗәдә үтәлмәвеннән зарлана.

Ирек әфәндегә 60 яшь, ул гади слесарь. 55 яшендә пенсиягә чыкса да,
“Татавтоматизация” дигән оешмада эшләп йөри. 42 ел эш стажы бар. Заманында пионер галстугы таккан, комсомол булган, кызыл әләм күтәреп барлык демонстрацияләрдә катнашкан, совет чоры идеологиясе нигезендә тәрбияләнгән кеше, дип таныштырды үзе белән.

Акцияләр белән кызыксынуы да шул әүвәлге еллардан килә. Башта ярты айлык хезмәт хакына Әлмәттә Бөтенроссия автомобиль альянсы акциясе таныклыгы сатып алган Ирек абый. Кеше рәсеме төшерелгән, 1993 елда чыккан “АVVА” дигән кәгазь кайчандыр 700 сумга төшкән. “Акча эшләргә тиеш!” – диләр бит. Кемдер банкка сала, шуннан процентлар ала...

ЯЗМАНЫ "АКЧАРЛАК"НЫҢ 24 МАЙДА ЧЫККАН 20 САНЫННАН УКЫГЫЗ.
Автор - Альбина ГАЙНУЛЛИНА.

ЯЗГЫ БАЗАРДА КЕМ НӘРСӘ САТА?

Мәскәүне – Кремльсез, Санкт-Петербургны – Эрмитажсыз, Казанны Колхоз базарыннан башка күз алдына китерү һич мөмкин түгел. Чөнки
халыкның иң яраткан урыны ул. “Әйбер кирәк булмаса да, шуннан бер әйләнеп кайту айлар буена җитәрлек көч бирә”, – дип әйтергә ярата бер танышым. Мин дә гадәти эш көнендә базарга чаптым.

Сатучылар инде иртәнге җидедән аягөсте басып тора. Урын өчен көн
саен 400 сум акча түлиләр икән. Иң беренче булып юлымда карбыз сатучылар очрады.

─ Карбызлар ничә сум?
─ Килосы 100 сум.
─ Кайда үскәннәр?
─ Иранда.
─ Анда шулай җылымы?
─ Эссе.
─ Карбызларны самолет белән алып кайталармы?
─ Зур фуралар белән ташыйлар. Биш көндә кайтып җитәләр. Бер карбыз алу өчен мең сумны чыгарып салырга кирәк. Кирәк кешегә яртысын да кисеп бирәләр. Тыштан кызыл булса да, тәмледерме, шайтан белсен...
Мин 5 минут басып торган арада гына кәчтүм-чалбар кигән абыйлар өч карбыз алып китте үзе.

ЯЗМАНЫ "АКЧАРЛАК"НЫҢ 24 МАЙДА ЧЫККАН ЯҢА 20 САНЫННАН УКЫГЫЗ.
Автор - Руслан ХӨСНЕТДИНОВ.