Sputnik Кыргызстан — негизги жаңылыктар

2021-02-09 16:21:28 Жаңы Конституциянын долбоорунда президенттин ыйгарым укуктарын кыйла күчөтүү сунушталган. Алардын негизгилери:

Президент министрлер кабинетин жетектейт. Анын төрагасын, орун басарларын дайындайт жана кызматтан алат

Президент 5 жылдык мөөнөткө шайланат. Бир эле адам эки жолудан ашык шайлана албайт

Президенттик аппараттын башчысы министрлер кабинетинин төрагасы болот. Анын кызматтан кетиши өкмөттү толугу менен таркатууга алып келбейт

Парламент мурдагы ыйгарым уктарынын айрымдарынан ажырады. Депутаттардын саны 120дан 90го чейин кыскарган

Жаңы Конституциянын долбоорунда өзгөртүүлөр абдан көп. Алардын маанилүүлөрү боюнча өзүнчө макала даярдап, чечмелөөгө аракет кылдык

@Sputnik_Kyrgyzstan Ачык / Комментарий

2021-02-09 15:56:21 ​​Нариман Түлеевге карата чыгарылган мурдагы өкүмдөр жокко чыкты.

Тиешелүү чечим Жогорку сот тарбынан бүгүн кабыл алынган.

Иш кайра кароо үчүн Ленин райондук сотуна жөнөтүлдү.

Түлеев 2012-жылы Кытайдан автобустарды сатып алууда мыйзамсыз иштерге барган деп кармалып, абакка кесилген.

2016-жылы мамлекетке 60 миллион сомду кайтарып берип эркиндикке чыккан.

@Sputnik_Kyrgyzstan Ачык / Комментарий

2021-02-09 13:33:32 Кыргызстанда накталай акча менен төлөм жүргүзүүгө чек коюлат. Тиешелүү жарлыкка прездиент Садыр Жапаров кол койду. Негизги максат накталай эмес жүгүртүүнүн үлүшүн көбөйтүү жана көмүскө экономиканын деңгээлин төмөндөтүүгө багытталат.

Ошондой эле, өкмөткө жана Улуттук банкка криптовалюталарды жүгүртүүнүн укуктук негизин түзүү, ишкерлерге накталай эмес төлөмдөрдү сунуштоого түрткү берүү сунушталды.

@Sputnik_Kyrgyzstan Ачык / Комментарий

2021-02-09 11:40:40 Кыргызстандын жаңы Конституциясынын долбоору жарыяланды.

Долбоорду толугу менен окууга шарты же каалоосу жоктор үчүн, жаңы Конституциядагы негизги өзгөрүүлөр боюнча жакынкы күндөрү атайын макала даярдайбыз.

Конституциянын долбоору толугу менен

@Sputnik_Kyrgyzstan Ачык / Комментарий

2021-02-09 10:58:51 ​​​​​​​​Бишкектин мэринин милдетин аткаруучу болуп дайындалган Эрмек Нургазиев бир күн өтпөй кызматтан алынабы?

Анын кызматка дайындалышы боюнча Садыр Жапаров социалдык тармактагы баракчасына жазган пикири учурда коомчулуктун талкуусуна түштү.

"Албетте, таза, жаш, идеялуу кадрлар көп. Маектеше келсең жүзү жарык, иштемчил көрүнөт. Мурда-кийин бийликте иштебеген, коррупциялык иштерге аралашпаган деп тандаган кадрлардын артында да хулигандык, мүлк талаш иштери бар экен. Ошондуктан, шаардын мэрлигине коюуга мүмкүн эмес", — деп жазган Жапаров.

@Sputnik_Kyrgyzstan Ачык / Комментарий

2021-02-09 10:34:08 ​​Бишкектин мэринин милдетин аткаруучу болгон Эрмек Нургазиев тууралуу.

Ал курулуш бизнесинен келген. Анын атына жети менчик компания катталган. Үчөөнү биргелешип негиздегени көрсөтүлгөн. Октябрдагы парламенттик шайлоодо "Кыргызстан" партиясынын тизмеси менен катышкан.

Мэрдин милдетин аткаруучу маалымат жыйында сөзүн аялга эмне себептен кол көтөгөнүн түшүндүрүүдөн баштады. Анын айтымында, аял биринчи чапка, анан ал жооп кайтарган.

Ал үлүшчүлөрдүн көйгөйлөрүн чечкиси келет. Баса, ал өзү дагы үлүшчү — учурда беш батир курулуп жаткандыгын айтты. Ошондой эле эки курулуш кооперативинин төрагасы болгон.

Аны мэрликке Садыр Жапаровдун айланасындагы адамдар түртмөлөгөн, өзү президент менен жолугуп пландарын талкуулаган.

Бардык кирешелерди электрондук форматта көрү үчүн мэрияны толук санариптештиргиси келет.

Бишкекте муниципалдык банк ачуу ниети бар. Ал өзүнүн банкы аркылуу транспорттук өндүрүш ишканалары менен "иштөө жана байланышуу жеңилирээк болот" деп эсептейт.

Ал мерлик кызматта 2 ай иштөө маанисиз деп эсептейт. Шаардык кеңештин депутаттарын шайлоодон кийин мэр болгусу келет.

@SputnikКыргызстан Ачык / Комментарий

2021-02-09 08:23:10 9-февралга карата коронавирус боюнча статистика:

58 жаңы учур катталды (бардыгы 85 171)

111 бейтап ооруну жеңди (бардыгы 81 825)

эки адам каза болду (бардыгы 1 433)

@SputnikКыргызстан Ачык / Комментарий

2021-02-09 08:08:54 Кочкор районунун тургуну Садыр Жапаровго Турдакун Усубалиевдин автоунаасын белекке берди.

Президент бирок автоунааны музейге тапшырууну ылайык көрүп турганын айтты.

"00-01 ФИА номерлүү автоунаа 1970-жылы Турдакун Усубалиевге берилген экен. Темир тулпар бир нече жыл тебилип, кийин Кочкордогу жердештеринин колунда көздүн карегиндей сакталып турган. Мени суктандырганы, машина дале жапжаңы, жакшы каралган экен. Кадимкидей от алып, тепсең Турдакун Усубалиевдин учурундагыдай эле зуулдайт", — деп жазган Жапаров.

сүрөт: instagram/@sadyr_japarov

@SputnikКыргызстан Ачык / Комментарий

2021-02-09 07:34:03 Эрмек Нургазиев Бишкек шаарынын мэринин милдетин аткаруучу болуп дайындалды.

Бүгүн ал муниципалитеттин эмгек жамаатына тааныштырылды.

Нургазиев бул кызматты 11-апрель – шаардык кеңешке жаңы депутаттар келгенге чейин аркалайт.

Октябрь окуяларынан кийин мэрдин милдетин убактылуу аткарып келген Балбак Түлөбаев кечээ кызматын тапшырган.

Учурда Балбак Түлөбаев менен жаңы мэрдин катышуусунда маалымат жыйын болуп жатат.

Жыйынды түз эфирден көрүңүз.

@SputnikКыргызстан Ачык / Комментарий

2021-02-08 20:25:19 ​​Бишкек шаарынын мэринин милдетин аткаруучу Балбак Түлөбаев кызматтан кетти.

Ал Sputnik Кыргызстан агенттигине кызматтан кетип жаткандыгын тастыктады. Бирок кайсы кызматка барары тууралуу "азырынча белгисиз" деп жооп берди. Мэриядагы булактар аны президенттин жана өкмөттүн иш башкаруучусу болуп дайындала тургандыгын билдиришти.

Ал эми мэрдин милдетин аткаруучу болуп Эрмек Нургазиев дайындалат.

Түлөбаев бүгүн баш калаанын депутаттарына 100 күн ичинде жасаган иштери тууралуу отчет берген.

@SputnikКыргызстан Ачык / Комментарий