Акчарлак газетасы

2022-08-07 11:00:02 Ничек хәлләрегез, дуслар?
Сездә дә +30 градусмы ул? Ачык / Комментарий

2022-08-04 18:25:07 “КЫЗЫМ 4 БАЛА БЕЛӘН 9 КВАДРАТ МЕТРЛЫ БҮЛМӘДӘ ЯШИ"

“Оныкларымның йоклар урыннары да юк”, – дип Сабадан Вәсимә
апа Шакирова шалтыратты. Килүебезне, балаларның яшәү шартларын күреп китүебезне үтенде. Әби оныкларының киләчәге өчен борчыла, берәр ничек торак мәсьәләсен хәл итү юлы табылмасмы, ди.

Вәсимә апага 73 яшь, Урта Сабаныкы үзе. 29 ел яшелчә эшкәртү заводында эшләгән. Бик актив ханым, җитешмәгән җире, аралашмаган кешесе юк. Татарстандагы радио-телевидение, байтак кына матбугат чараларының телефон номерларын теркәп куйган. “Мин сөйләшергә бик яратам, барысы белән дә хәбәрләшеп торам”, – дип канәгать елмая ул. Ире Ринат абыйга 82 тулган. Берничә операция кичергән, авырдан йөри. Пенсияләре җитәрлек, вакытында килә икән анысы.

Ринат абый белән Вәсимә апа дүрт бала үстергәннәр – өч кыз, бер малай. Хәзер балалар бәхетенә куанып, оныклар сөеп яшисе генә дә бит... Борчулары бар шул. Төпчек кызлары Фәридәнең, аның дүрт баласының язмышы күңелләрен җәрәхәтләп тора. “Үзебез исән чакта оныкларга фатир юнәтеп булса, түләргә дә ярдәм итәр идек”, – дип өзгәләнә Вәсимә апа. Ә төп йортны улына яздырганнар. “Монда барысын да малай төзәтеп, улым эшләп тора бит, күршедә генә яши ул”, – ди. Ярар... Анысы минем эш түгел. Кемгә нәрсә калдырырга кирәген ата-ана үзе белә торгандыр. Фәридәнең язмышы белән кызыксынам. Дүрт бала белән ялгыз калуының сәбәпләрен сораштырам.

– Ни өчен балалар әтисез, йортсыз калды?
– Игезәкләр 2008 елда туды: бер кыз, бер малай. Авырга узганын яшергән, җиденче аенда гына белдек. Укый торган баланы көмәнле дип кем уйласын!
...
ЯЗМАНЫ ТУЛЫСЫНЧА "АКЧАРЛАК"НЫҢ КИЧӘ ЧЫККАН ЯҢА 30 САНЫННАН УКЫГЫЗ.
Автор - Альбина ГАЙНУЛЛИНА. Ачык / Комментарий

2022-08-01 19:18:10 Сездә уңыш ничегрәк? Ачык / Комментарий

2022-08-01 19:09:08 Хәзерге минутларда "Тандем" сәүдә үзәгеннән халыкны эвакуацияләү бара. "Акчарлак" журналистлары да монда. Ни булганы әлегә төгәл билгеле түгел. "Возгорание" диләр... Ачык / Комментарий

2022-08-01 19:04:58 Дөресме, дуслар?)

#акчарлакгазетасы
#акыллысүзләр Ачык / Комментарий

2022-08-01 17:53:49 Бүген "Казан Экспо" халыкара күргәзмә үзәгендә Бөтендөнья татар конгресының VIII корылтае узды. Әлеге чарада без дә катнаштык
Быелгы съезд конгрессның 30 еллыгына туры килде. Ачык / Комментарий

2022-07-31 10:37:26 Китап укырга яратасызмы, дуслар?
Вакытыгыз җитәме китап укырга
Гомер буена ничә китап укыдыгыз икән?
Ә соңгы укыган китабыгызны хәтерлисезме, кайчан, нәрсә укыдыгыз?
Хәзер күпләр интернеттан гына укый... социаль челтәрләрдәге кыска хикәяләрне, төрле бәяннәрне. Ә язучыларыбыз язган романнарны укучы булыр микән? Элекке классикларыбызга яңа буын борылып карармы, алар телен, әсәрләрендәге идеяны, фикерне яшьләр аңлармы? Менә сезнең балалар китап укыймы? Ачык / Комментарий

2022-07-29 21:33:45 КАРГЫШ ТӨШӘ ИКӘН
(ВӘГЪДӘ ИТЕЛГӘНЧЕ ЯЗМАНЫ ТУЛАЕМ КУЙДЫК)

Моннан унике ел элек мин Гөлшат исемле күрше авыл кызына өйләндем. Әти-әни белән яшисе килмәгәч, йорт салып, башка чыктык. Бер-беребезне өзелеп сөюебезне бөтен туганнар сизә иде. Шушы бәхеткә бала куанычы гына җитмәде. Ничек кенә тырышсак та, хатыным балага уза алмады. Йөрмәгән табиб, бармаган җир калмады.
Ниһаять, көтелгән шатлык килде. Гөлшатның балага узганын белгәч, аны күкләргә чөйдем. Авырлы чагында аңа бер эш эшләтмәдем, үземчә сакладым. Әмма җиде айдан ул үле бала тапты. Ул чакта йөрәгемнән ниләр узганын бер үзем генә беләм. Әле дөньяга аваз салырга да өлгермичә, инде безнең куанычка әйләнгән сабыемны җир куенына салу бик авыр булды. Күп тә узмады, хатын тагын балага узды. Тап-таза кызыбыз туды. Ул безнең тормышыбызның яменә әйләнде. Әмма нарасыебызга озак яшәргә насыйп булмады. Яшь ярым чагында тик торганда йөрәге туктап үлде. Табиблар моның сәбәбен аңлата алмадылар.

Әлеге авыр кайгыны басар дип, тагын бала алып кайтырга булдык. Анысы вакытыннан алда туып, тернәкләнеп китә алмады. Хатыным: “Әллә безгә бала назы татырга язмаган микән?” – дип елый иде.

Аптырагач, күрәзәчеләргә йөри башладык. Алар нәселебезгә каргыш төшүен әйтте. Карт әбиемә бу турыда әйткәч, ул әллә ничәнче буын бабабызның чегән хатыны белән чуалган булуын исенә төшерде. Бабай башка хатынга өйләнгәч, теге: “Баласыз тилмерсәң иде!” – дип каргаган булган. Күрәсең, әлеге каргыш безгә төшкән. Каргышның җиде буынга кадәр җитүе турында ишетеп белә идем. Менә хәзер моңа инандым. Хәзер көн дә Ходайдан бала сорыйбыз, ялварабыз. Өебездә бала тавышы ишетелерме, юкмы, билгесез.
Азамат.

АЗАМАТ (ФАМИЛИЯСЕН ӘЙТЕРГӘ ТЕЛӘМӘДЕ) "МИҢА ХӘЗЕР НИШЛӘРГӘ?" - ДИП СОРАУ ДА КАЛДЫРГАН.
КИҢӘШ БИРЕГЕЗ ӘЛЕ, ДУСЛАР) Ачык / Комментарий

2022-07-29 21:33:29 МЕДОСМОТР ӨЧЕН КЕМ ТҮЛИ?
СОРАУ: “Балалар бакчасына пешекче булып урнашканда медосмотр кирәк. Бу медосмотр өчен кем түләргә тиеш?"
Равия Кәримова, Яшел Үзән.

ҖАВАПНЫ юрист Алинә СОКОЛОВА бирә:
– РФ Хезмәт кодексының 220нче маддәсендә әйтелгәнчә, азык-төлек
сәнәгате, җәмәгать туклануы һәм сатуалу, медицина оешмалары һәм балалар учреждениеләре һәм башка аерым өлкәләрдә эшләүче хезмәткәрләр халыкның сәламәтлеген саклау, авырулар килеп чыгу һәм таралуны кисәтү максатыннан медицина тикшерүләре үтәргә тиеш. Мондый медосмотрлар эш бирүче хисабына башкарылырга тиеш. Эш бирүченең медосмотр өчен түләве аның нәтиҗәләреннән һәм соңыннан хезмәт шартнамәсе төзү-төземәүдән тормый.

Сүз уңаеннан, "Акчарлак"ның һәр санында юрист киңәшләре басыла. Сорауларыгыз туса, сез аларны безгә җибәрә аласыз. Аларга юрист җавап бирер Ачык / Комментарий

2022-07-29 12:50:06 Ачык / Комментарий