Акчарлак газетасы

2023-03-16 15:10:45 Инде ничә еллар җыелышларда халык мәдәният йорты сорый. Аптыраган инде, кечкенә авылларда, Удмуртия якларында авыл саен клуб бар хәзер. Мәсәлән, Янсыбыныкын сүтеп, яңасын салдылар. Нинди галәмәт бу? Янсыбыда да минеке кебек иске клуб иде. Үзебезнең клубны чиста итеп тота, барлык чараларны уздыра, сорый торгач ремонт ясатып, челтәрләргә кадәр элеп куйган идем. Халык арасында “клуб төзисе акчаны алып, кесәләренә салдылар” диючеләр бар. Шулайдыр, югыйсә, “икенче елга була” дип ел саен алдап килмәсләр иде, – ди Минзәлия апа.

Янгын 2006 елның 6 январенда, төнге икенче яртыда чыга. Минзәлия апаларның искечә Яңа елны каршыларга әзерләнеп йөргән чаклары, барлык костюм, киемнәр көлгә әйләнә. Шуннан бирле Минзәлия апаның тынычлыгы югалган. Ышанам, заманында яраткан эшеннән колак каккан, халык клуб сорап әле дә аңа мөрәҗәгать итә, артыннан йөрүен тели икән. Янәсе, Минзәлия тотынса, салмый кая барсыннар?
– Клубны яндырдылар, дидегез. Кемнәр эше икәне билгеледер бит, – дим аңа.
– Күрәзәчегә барган идем. “Дошманнарың булган...", диде.

ЯЗМАНЫ ТУЛЫСЫНЧА "АКЧАРЛАК"НЫҢ КИЧӘ ЧЫККАН ЯҢА 10 САНЫННАН УКЫГЫЗ.
Автор - Эльмира ФЛҮН. Ачык / Комментарий

2023-03-16 15:10:33 "КҮРӘЗӘЧЕГӘ БАРДЫМ: КЛУБНЫ ЯНДЫРГАННАР..."

Сазтамак авылында мәдәният йорты юк, халык бәйрәмнәрне урамда уздыра. Кемнәркемнәр, кукмаралылар өчен, ничектер, кичерә алмаслык хәл, кимчелек булып тоелды бу безгә. Шулай итеп, Сазтамак авылында яшәүче Минзәлия Ганиеваның беренче моң-зары клуб булса, икенчесе – бабаларының пай җире серле рәвештә юкка чыккан. Серле дип инде, элекке колхоз бухгалтериясендә моны үзләренчә аңлатып, “үлгән, беткән, җире киткән” дигән кебегрәк әйткәннәр.

Сазтамак – Байлангар авыл җирлегенә керә. Анда 100гә якын хуҗалык исәпләнә, 300гә якын кеше яши. Авыл матур, төзек. Яшь гаиләләр дә бар. Минзәлия Ганиева Сазтамакта 1979 елдан бирле яши, бирегә кияүгә чыккан. Ун ел кибеттә хезмәт куйган да, 19892006 елда мәдәният йортында мөдир булып эшләгән. Хәер, кем генә булмагандыр инде ул, клуб эшен берүзе тартып барган.

– Минзәлия әйбәт эшли, бөтен кешене клубка җыеп ята дип, клубны харап иттеләр – яндырдылар. Клубыбыз кечкенә генә булса да, якын-тирә авыл халкы шушында иде...

ДӘВАМЫ Ачык / Комментарий

2023-03-16 15:08:01 Ачык / Комментарий

2023-03-16 11:35:38 Бүген, 10.00 сәгатьтән 12.00 сәгатькә кадәр cезне Эльмира ФЛҮН тыңлый.
“Зарлы телефон” номеры: (843) 562-11-56.

Хөрмәтле укучыларыбыз!
Зарларыгызны, сорауларыгызны, тәкъдимнәрегезне смс белән, шулай ук фото, аудио яки видеохәбәр итеп безнең Ватсапка да җибәрергә була. Номеры: 8 987-295-17-31
Кызыклы фото, видеолар булса, телеграммыбызга куя алабыз. Ачык / Комментарий

2023-03-16 11:19:59 Шәп яңалык!
Сез татарча навигатор кулланачаксызмы? Ачык / Комментарий

2023-03-15 12:01:11 "Акчарлак" газетасының 15 март саны әзер, кемнәргә килеп җитте әле?!
#акчарлакгазетасы #анонс #яңасан Ачык / Комментарий

2023-03-15 10:07:41 Киосктан газет алып укырга яратасызмы? Әллә яздырып аласызмы? Ничә газет аласыз, сер булмаса?)) Ачык / Комментарий

2023-03-14 17:25:48 Ачык / Комментарий

2023-03-14 17:24:36 ЛИЛИЯ МӘХМҮТОВА: "КҮҢЕЛГӘ ТИСӘЛӘР ДӘ, АХЫРГА КАДӘР ТҮЗӘМ"

Тинчурин театры артистлары Лилия Мәхмүтова һәм Ренат Шәмсетдинов белән әңгәмәдән өзек:

– Театрда сезне өнәмәгән артистлар бармы?
Лилия ханым:
– Ачыктан-ачык сиздергәннәре юк. Театрда хатын-кыз артистлар күп, конкуренция зур. Безнең буын артистлары хәзер алтау. Элеккеге режиссер: “Барыгызга да роль каян табып бетерим?” – дип әйтә иде.

– Сез конфликтлы кешеме?
– Юк. Күңелгә тисәләр дә, ахырга кадәр түзәм. Дөрес, хәзер яшь чактагы кебек үк сабыр түгелмен.

– Театр сезнең өчен нәрсә ул?
Ренат абый:
– Театр – ул зур бер гаилә. Аның әбибабайлары да, ата-аналары да, балалар да бар. Яшьләрне тәрбияләргә, сәхнә серләренә дә өйрәтергә кирәк. Режиссер гына бу эшләрне эшләп бетерә алмый. “Энем, халыкка тавышың ишетелми, бу якка карап сөйлә”, ише киңәшләр дә бирәсең...

ЯЗМАНЫ ТУЛЫСЫНЧА "АКЧАРЛАК"НЫҢ ИРТӘГӘ ЧЫГАЧАК ЯҢА 10 САНЫННАН УКЫГЫЗ.
Автор - Нәзилә ХУҖИНА. Ачык / Комментарий

2023-03-14 14:30:01 Зәйдән Мөнзилә ханым: "Өй артында үсә пар юкә, күңелемдә сиңа бар үпкә..." дип элек җырланган җырның сүзләрен сораган иде. Буадан Нурдания апа җырлап җибәрде бу җырны. Сүзләрен алдагы саннарда газетада да бастырырбыз
Матур җыр бит?) Ачык / Комментарий