Кыргыз акындарынын ыр саптары

2022-03-28 23:00:46 Ачык / Комментарий

2022-03-27 20:14:36 Ачык / Комментарий

2022-03-26 22:30:54 ЖАШООБУЗ СЫЙЛУУ ӨТСӨ ЭКЕН

Албууттанган дайранын
Артында ак муз тоо турат.
Аргамак минген азамат,
Ат чабышка умтулат.
Арак ичип алгандар
Ал күнү-берен, жулкунат.
Акылы зирек даанышман
Ааламга түздөп кол сунат.
Ажаандыгы ашынган
Ай бою кектеп тултуят.

Байыган сайын битиреп
Баркынан түшөт сараңдар,
Байкабасак бузулат
Бат өзгөрүп замандар,
Башыбыздан өткөндө
Бааланат асыл адамдар.
Барган сайын салмактуу,
Баскан жолдо кадамдар.
Байкуш атка көнгөн соң
Басынып жашайт жамандар.

Жашоодо баалуу амандык
Жаныңда жүрөт жамандык,
жаңылбай көрүп үзүрдү
Жакшылап жанды багалык!
Жар учунан кулабай
Жагдайды туура табалык.
Жаман -жакшы сыноо да
Жан үрөп сабак алалык.
Жаратканга миң алкыш,
Жашаш үчүн жаралдык,
Жашообуз сыйлуу өтсө экен
Жан жолдош болуп адалдык!

Асан Жакшылыков Ачык / Комментарий

2022-03-23 15:29:47 Карасан кыштын тапканын,
Кышында каарын катканын.
Шылдындап бизди жаткандай,
Жазында жаап жатканын.

Үндүктөр бийик конду го,
Гүлдөгөн өрүк тоңду го.
Мартыңды уруп ойнобой,
Бу кышың көк бет болду го.

Январдын келген этеги,
Канакей жазым кечеги.
Отун, суу деле түгөндү,
Бу кышың деги кетеби?

Тигине апрель көрүндү,
Таарынсан айтчы жөнүңдү.
Мартта өчүң калган жок,
Бошотуп берчи төрүңдү.

Кудайга жазып чечели,
Күнөөсүн мунуң сезеби?
Көк беттик жагы бар экен,
Же кудайдын мээсин эзеби?

Кызарып көзү эки чок,
Соёрго малдын эти жок.
Кайышкан элге жут кылбай,
Кетсеңчи болду бети жок.

Келдибеков. Эдил.
23. 03. 2022. Ачык / Комментарий

2022-03-23 10:27:48 Ачык / Комментарий

2022-03-20 21:16:27 Ачык / Комментарий

2022-03-15 22:58:30 Ачык / Комментарий