ЧУЛПАН ЙОСЫПОВА: "ЯЛГЫШКАНМЫН ИКӘН, СӘБӘБЕН АҢЛЫЙМ"
– Ирең Фидан кайсы яктан? Әти-әниләре исән-саулармы?
– Фиданның әнисенә быел 80 тула. Әтисе егерме ел элек гүр иясе булган. Мин аны күрми калдым. Бик ихтирамлы, хөрмәткә лаек кеше булган. Фидан үзе Арча районы Каргалы дигән авылдан. Җәй көне генә кереп була торган, матур авыл. Хәзер Арча килене инде мин.
– Олы улың Солтанга ничә яшь хәзер?
– Май аенда җиде тула. Укырга керәбез быел.
– Шәхси йортта яшисезме?
– Әйе, әти-әниләр белән безнең арада ике генә йорт. Алар ел саен
“быел азрак утыртабыз” диләр дә, гадәттәгечә утырталар. Балалар да күбрәк аларда дияргә була. Оныклары өчен җаннарын бирергә әзер.
– Концертлар күпме?
– Утызар көн гастрольләрдә йөрмибез анысы. Банкетлар белән күп дигәндә ун көнгә тула.
– Чулпан, синдә кирелек, бунтарьлык бармы?
– Юк. Ләкин мин нәрсәнедер дөрес дип ышанам, беләм икән, шулай эшлим. Максатыма ирешер өчен бар көчемә тырышам.
ЯЗМА "АКЧАРЛАК"НЫҢ 5 АПРЕЛЬДӘ ЧЫККАН 13 САНЫНДА БАСЫЛДЫ.
Автор - Альбина ГАЙНУЛЛИНА.
