Бейишке татыктуу - АЯЛ🤍

2022-11-01 13:07:16 Ачык / Комментарий

2022-10-24 14:52:38 АПАМ ЖАЛГАНЧЫ БОЛЧУ

Алланын тагдыры болуп,аялы каза болуп киши башка аялга үйлөнөт.Бир күнү ойноп жүргөн кичинекей баласын чакырып сурап калат:
-Балам , биринчи апаң жакшыбы же экинчи апаң жакшы бекен?
Баласы ойлонбостон эле жооп берди:
-Биринчи апам жалганчы болчу.Экинчиси андай эмес.
Атасы уулунун сөзүнө түшүнбөй кайра сурады:
-Эмне үчүн андай экен?
-Биринчи апам мен анын сөзүн укпай тентектик кылып ойноп кетип калганымда:"Тентектик кылсаң,сага тамак бербей коем",-деп айтчу.Бирок тамактанар убак болгондо чакырып келип тамак берчү.Экинчи апам тентектик кылсам , ошол эле сөздү айтты.Анан да сөзүндө туруп,тамак берген жок.Мен эки күндөн бери ысык тамак жей элекмин.

"Өзүн сыйлаган аял" Ачык / Комментарий

2022-10-24 14:45:50 Ачык / Комментарий

2022-10-05 14:00:32

Улуу Аллах Таала ар бир заманга ылайык өзүнүн ыйык китептерин түшүргөн.
1."Тоорат"
2."Забур"
3."Инжил"
4."Куран" китеби.
Бул китептерди Аллах Таала адамдарга элчилер аркылуу жеткирген. Аллах Таала чексиз илими менен аларды баардык адамзаттын арасынан атайын тандап алган.Бул тандалган төрт чоң пайгамбар:
Азирети Муса(а.с),
Азирети Дауд(а.с),
Азирети Иса(а.с),
Азирети Мухаммед (с.а.в).

Аллах Таала "Тооратты" Азирети Мусага(а.с),
"Забурду" Азирети Даудга(а.с),
"Инжилди"Азирети Исага(а.с),
Ыйык "Куранды" Азирети Мухаммедге(с.а.в) түшүргөн.

Сүйүктүү Пайгамбарыбыз Азирети Мухаммед Пайгамбарга(с.а.в) түшүрүлгөн Ыйык "Куран" эң акыркы жана эң чоң китеп болуп саналат.Бул китепте баардык ааламдардын Эгеси,сыпаты менен улуу болгон Аллахтын кыяматка чейинки баардык адамдарга тиешелүү болгон буйруктары камтылган. Көптөгөн илимдер, насыйкаттар,сырлар,ачылыштар мына ушул китепте жазылган.
Ачык / Комментарий

2022-10-04 07:30:06 | Туулган күн тоссо болобу?

Бул башка маданияттан бизге өтүп, ошону менен бирге биздин да адатыбызга айланып баратат. Дүйнөнүн баары бир телефонго баткан технологиялык жаңы доордо бардык маданияттар бир биринин таасири алдында калууда. Өзгөчө жаштар соц. тармактарда көргөн нерселерин кайталоого куштар. Бул күндү куттуктоо башка динде бир ибадат болбогондуктан жана жаман үрп-адат болбогондуктан, туулган күн тосуу "арам" деп айтылбайт. Ошентсе да биз өрнөк алып жашаган
Пайгамбарыбыз Мухаммед (сав)дын жана анын сахабаларынын жашоосуна карасак бул күндү өзгөчө майрам кылып тосконун көрө албайбыз.
Бирок Пайгамбарыбыздын дүйшөмбү күнү орозо кармоосунун себебин сураган сахабага; ушул күнү жарык дүйнөгө келгенин жана ушул күнү пайгамбарлык берилгенин айткан хадис бар. Бул хадис биздин бүгүнкү күндөгү туулган күн тосуу аземдерине такыр эле дал келбейт. Кимибиз туулган күнүбүздө орозо кармайбыз. Канчообуз ушул күнү ата-энебизге дуба кылып, өткөн-кеткен өмүрүбүздү калчап, таразалап, келечегибизди Аллах ыраазы болчу иштерге арноого ниеттенип, эки рекет намаз окуйбуз.
Тескерисинче махрам-намахрам чегин ашып, дос-тууганды чакырып, ырдап-бийлеп, ичимдик ичилип, ысырап кылынат. Ага өзгөчө белек алынып, элдин баары көңүл бурса текеберчилиги да анча мынча семирип калышы мүмкүн. Туулган күнү унутулуп калса, белек алынбай калса, шагы сынып, маанайы түшөт. Өзүн керексиз сезип калат. Туулган күн белгилөөнүн терс жактары мына ушундай. Бул күндү өзгөчөлөнтүп тосуу, убарачылык жана бош нерсе. Демек күнөө туулган күндүн датасында эмес, аны исламга туура келбеген жол менен белгилөөдө, максаттан адашууда жатат.
Ошондуктан кээ бир аалымдар жогоруда айтылган Исламга туура келбеген нерселер аткарылбаса, жакшы сөз айтып, адал дасторкондо, шүгүр кылып өткөрсө бул күндү белгилөөнүн зыяны жок экенин белгилешет. Ачык / Комментарий

2022-10-04 07:29:46 Ачык / Комментарий

2022-09-30 23:28:51 Ачык / Комментарий

2022-09-26 13:50:26 Ачык / Комментарий

2022-09-26 05:19:36 Ачык / Комментарий