Борбаана Баржай

2022-09-05 10:49:57 АПРЕЛЬ 

Сорунза тыртар күжү – хүн херелинден.Сорунзазы тергиин күштүг, оруунга чүнү-даа таварып эрте бээр. Ынчалза-даа чер кырында көктүң өзүмүнүң эскертинмези дег, ындыг оожум. Ол энергия хүннүң херели чер кырын оттурупканы дег чидиг. Апрельчилер хүннүң чырыы дег, хөлегени долгандыр чырыдар. Олар – дорт, шиитпирлиг. Кажар, былдамыш ындыг аажы чок, шуут-ла ажык, чаагай. Чүге-ле ийик, долгандыр кижилер оларны хей черге четпезин казар, эки дээн чүүлүн эскербес. Апрельчилер тургаш: «Көргей-ле бис» дээр. Ол ойталаашкын эвес, анаа демдеглээшкин-дир, а хүннүң үнүп кээри дөмей-ле көстү бээр. Ол хирезинде долгандыр кижилер бүзүревес, апрельчилерни ийи дакпыр хандыр бакылаарлар. Кажан үе эрте бээрге: апрельчилерниң хүннүң чылыы дег херелинге шондуруп, сагыш-сеткилинде чүткүлдүң ылаптыынга сиңниге бээр. Чүге? Чидиг хүннүң караанче дорт көөрү болдунмас, оон хензиг-даа кара чүүл көзүлбес. Апрельчилерниң көрүжү чидиг, күштүг. Ачык / Комментарий

2022-09-05 10:49:47 МАРТ 

Мартчылар – сорунза тыртар күжү элдептиг. Частың тыныжы дег, долгандыр кижилер ону бодунга шын хүлээп, билип алыры нарын. Март айның кижилери далаш, чамдыкта кайда кол, а кайда ийиги чергениң дээрзин ожаавайн баар. Чайнап, чырыза-даа дүвү-далаш аажызы-биле ара дүжер, а кол сорулгазы чедимче чок апаар. Ындыг улусту тывалар: «Далашкан күске сүтке дүжер» дижир. Олар дыка чугаакыр, чаа өңнүктер кезээде мурнунда. Частың башкы кижилери уран чогаадылгага салымныг. Оларның энергиязы хайныгып чоруур. Бир онзагай чүүлү – улуг идегел-биле ынанып чорда, бир болза адааргак сеткилдиглер азы үе чер алыспайн баар. Хайымныг энергия күжү-биле билдинмес чыткан агымны азы суг адаанда дашты-даа көдүрүптер. Ол хире чажыт күжүн амыдыралга чедимчелиг ажыглап шыдавайн баар улус база турар, черле бурунгаар чүткээни дээре. Ачык / Комментарий

2022-09-05 10:49:36 ФЕВРАЛЬ 

Февральдың кижилери сагыжы бирде аай, бирде дедир: хөйлеңиниң өөгү чежик, а уштуп бериксевес (бээр, бербес болур). Энергиязы бирде аар, бирде чиик. Ол айның кижилери кыш часкы үеже кирип турары-биле турум эвес. Ынчалза-даа арга бар. Февраль айлыглар-биле харылзажыры эң белен, кажан-даа, каяа-даа ужуражып болур. Бойдустан хевири илдең, сеткили ажык. Көстүрү ындыг, а херек кырында аай-дедир боданы каапкаш, көрүжүн дүрген өскертиптер. Шиитпирлиг, сагыжы-биле эндевес. Үениң аайы-биле энергиязы чеже-даа тодаргай эвес бол – катай-хаара кылдыныгларны ажыглап шыдаар. Өске улуска эң белен чүүлдү дүрген бодапкаш, чедимче чок чүүлге таваржып болур. Ачык / Комментарий

2022-09-05 10:49:23 ЯНВАРЬ 

Кышкы үеде төрүттүнген улустуң сорунза тыртар күжү (энергиязы) дыка улуг, ол каракка белен ындыг-ла эскертинмес. Кандыг-бир эпчок чүүлге таваржып азы аарый бергенде, эш-өөрнүң дузазын дилевес, аргалыг болза бодунуң «үңгүрүнче» сыңныр, аарышкызын бодап, чааскаан чүү болу бергенин долгандыр сайгартынар. Чааскаанзыралга белен алыспас, иштики күжү чеже хире болдур шыдаары-биле күженип чоруур. Өскелерден белек манавас, бодунга чүү тааржырын боду-ла шилип, тып алыр аргазы бар. Сорунзазы кара болгаш дыгый шынардан бүткен (ол таарымча чок байдал эвес, а ооң анаа тодарадылга демдээ-дир). Январьның кижилери кандыг-бир ажыл-херек кылыр дээнде, шаанга киир боданыр. Кижиге бүзүрээр азы чоок таныжып турар үезинде кедергей оваарныр. Иштики сагыш-сеткилин беленде ажытпас, ыыттавас. 

Чаңгыс сөс – январьлар алыс кыштың кижилери ышкажыл. Кым-бир кижиниң өңнүү апарганда аңаа шынчы. Кол чүүл – тодарадырын боду билир. Өске кижилер оларга чүүлдеш болбас. Ачык / Комментарий

2022-09-05 06:05:27 ЧУРАГАЙ.
2022 чылдын Сентябрьнын 5 тин хуну. Понедельник хуну.
Ай саны биле 10 гу ай хуну.
Демир олуттуг Аксымаар Дагаа хуну.
Баш таартырга куш куштелиир.

Хой чылдыг улуска таарымчалыг хун болур.
Ыт Инек Улу чылдарлыг улуска салымынга таарымчалыг хун болур.

Богун чедимчелиг амыдыралды, чедиишкиниг амыр тыштын ёзулалын эртиреринге таарымчалыг. Эм-дом белеткеп эгелээринге. Ыяш тарып олуртурунга, келин кысты оолдун аал оранынче удээринге эки хун болур. Аът чаажыктырып ооредиринге, тудуг эгелээринге, таваан салырынга таарымчалыг хун болур.

Соолунде бертсинип буруузуна бээр херектер кылып болбас. Аас-дыл ундуруп, адаанажыыр чорук кылып болбас богун.
Богун улуг ужур уткалыг ажылдар эгелээринге таарымча чок.

Оол торуттунзе байыыр.
Кыс торуттунзе чараш шырайлыг болур, хойге буянныг дузазын кадар. Ачык / Комментарий

2022-09-04 20:39:25 Эки удуп хонар силер оюнчукпайлар!!! Ачык / Комментарий

2022-09-04 17:02:00 Че кандыг болду аан, ПЭ Ачык / Комментарий

2022-09-04 17:01:22 Live stream finished (5 minutes) Ачык / Комментарий

2022-09-04 16:55:42 Live stream started Ачык / Комментарий

2022-09-04 11:25:42 Ачык / Комментарий