АРЧА МЕДИА // ARCHA MEDIA

2022-09-01 16:16:45 Бишкекте маршруттук такси кырсыкка учурады

128-каттамда жүргөн маршруттук такси 7-апрель көчөсүндө орун алган май куюучу бекеттин тактасын сүзгөн. Азырынча жабыркагандар тууралуу маалымат жок.

репортёр.кг Ачык / Комментарий

2022-09-01 16:12:56 Садыр Жапаров 2022–2027-жылдарга улуттук наркты сактоо жана өнүктүрүү жөнүндө улуттук программаны бекитүү жарлыгына кол койду

Анын тексти:

Улуттук нарк – элдин руханий маданиятынын курамдык бөлүгү, ал өзгөчө идеялардын жана туруктуу элдик эрежелердин негизинде калыптанат. Алар элдин маданиятынын негизин түзүүчү фактор болуп саналат, анткени эзелки замандан башталып, муундан муунга өтүп келген. Улуттук нарк – ааламдашуу менен санариптештирүүгө карабастан, кадыр-баркты жана ар-намысты, айкөлдүктү жана адилеттүүлүктү, абийирди, боорукердикти сактаган жана талыкпай эмгектенген көчмөн жоокердин улуу мыйзамы.

Нарк элдин бүткүл өнүгүү тарыхында өзгөрүп, адеп-ахлак менен толукталып жана байытылып, жаңы мазмунга ээ болууда, алардын айрымдары өз актуалдуулугун жоготууда, жашоо-турмуштун мүнөзүн аныктоо менен өзүн-өзү билүү маданиятын калыптандырууда, жашоонун маңызы жана улуттук баалуулуктардын таберик символуна айланып, элдин жок болуп кетүүсүн алдын алууда.

Кыргыздар мамлекеттин өнүгүшүнүн негизи болгон улуттук нарк аркылуу кылымдар бою кошуна элдер менен жанаша жашап, тарыхтын тереңинде жок болуп же башка элдерге сиңип кеткен эмес, атын жоготпой, тарыхта өз изин калтырды.

Маданияттардын ассимиляциясы, өзүнчөлүүлүктүн жоголушу тарыхтын белгилүү бир мезгилдеринде улуу империяларды жана кайталангыс маданиятты жараткан улуттук баалуулуктарды жоготууга алып келет.

Кыргызстанды өнүктүрүү үчүн биз руханий жактан өнүккөн, билим деңгээли жогору, элибиздин тарыхын мыкты билген, башка элдердин наркын, үй-бүлөлүк баалуулуктарын жана ишенимдерин сыйлаган, этностор аралык мамилелерди урматтаган, башка тилдерди билген, тышкы жана ички чакырыктарга туруктуу болгон кыргызстандык жаранды тарбиялашыбыз керек.

Түзүлгөн кырдаалды жана коомдун руханий деградация болуусунун көйгөйлөрүн чечүү үчүн түшүндүрүү жана тарбиялоо иштерин системалуу жүргүзүү талап кылынат.

Кыргыз Республикасынын Конституциясынын 20, 21, 71-беренелерине ылайык, Кыргыз Республикасынын Президентинин 2022-жылдын 20-майындагы № 157 “Улуттук нарк жөнүндө” Жарлыгын ишке ашыруу максатында токтом кылынат:

2022–2027-жылдарга улуттук наркты сактоо жана өнүктүрүү жөнүндө улуттук программа (мындан ары ‒ Улуттук программа) тиркемеге ылайык бекитилсин.
Кыргыз Республикасынын Маданият, маалымат, спорт жана жаштар саясаты министрлиги квартал сайын, отчеттук мезгилден кийинки айдын 25ине чейин Улуттук программаны аткаруунун жүрүшү жөнүндө жалпыланган маалыматты Кыргыз Республикасынын Президентинин Администрациясына берип турсун. Ачык / Комментарий

2022-09-01 14:41:16 Лукойлдун директорлор кеңешинин төрагасы оорукананын терезесинен кулап каза болду

Лукойл мунай компаниясынын директорлор кеңешинин төрагасы Равиль Маганов Москвадагы борбордук клиникалык оорукананын терезесинен кулап каза болгонун орусиялык басылмалар жазып чыгышты.

Клиникалык оорукана Лукойлдун жетекчиси каза болгонун ырастап, бирок эмнеден көз жумганын тактаган жок.


Компаниянын 67 жаштагы топ-менеджери оорукананын 6-кабаттагы бөлүмдө дарыланып жатканы маалым болду. Айрым маалыматтарга караганда, Маганов жүрөк оорусунан улам терапия бөлүмүндө жаткан. Ага депрессия диагнозу коюлганы айтылууда.

Равиль Маганов 1993-жылдан бери Лукойлдун директорлор кеңешинде. 2006-жылдан бери ал компаниянын биринчи аткаруучу вице-президенти болуп, ал эми 2020-жылдан бери директорлор кеңешин жетектеп келе жаткан. Ачык / Комментарий

2022-09-01 13:26:34 Өзбекстан басмачыларды эгемендүүлүк үчүн күрөшкөндөр деп тааныды. Биз дагы таанышыбыз керек - Р. Жээнбеков

Саясатчы Равшан Жээнбеков Өзбек президенти Шавкат Мирзиеев СССР республиканын көз карандысыздыгы үчүн күрөшкөн өзбекстандыктарды репрессиялаганы тууралуу айтканы боюнча пикирин билдирди.

"Мирзиеев басмачыларды Өзбекстандын эгемендүүлүгү үчүн күрөшкөндөр деп тааныды. Талкаланган адам тагдыры үчүн өтө узак, тарых үчүн көз ирмем. Биз дагы, кеч болсо дагы таанышыбыз зарыл!!!",-деп жазды Равшан Жээнбеков.

Эскерте кетсек, Шавкат Мирзиеев эгемендүүлүк күнүндө элге кайрылып, эгемендүүлүккө 31 жыл болсо дагы ата-бабалар ага жетишүү үчүн 100 жыл мурун аракеттерди кылышканын белгилеген. Бирок ошол кездеги режим аларды эл душманы кылып репрессиялап, атуу кетиргенин айтты Мирзиеев. Ачык / Комментарий

2022-09-01 13:03:03 Камбар-Ата-1 ГЭСинин курулушу эки эсе кымбаттап кетти-Жапаров

Министрлер кабинетинин төрагасы Акылбек Жапаров Камбар-Ата-1 ГЭСинин курулушу 3 млрд доллардан 6 млрдка кымбаттаганын билдирди.

"2014-жылкы техникалык-экономикалык негиздемесинде 3 млрд доллар деп көрсөтүлгөн. Азыр анын баасы 6 млрд болду. Анткени материалдар кымбаттап кетти",-дейт Жапаров. Ачык / Комментарий

2022-09-01 12:16:52 WSJ: Батыш өлкөлөрү Орусиянын мунай кирешесине сокку уруу боюнча макулдашты

АКШ, Улуу Британия жана G-7нин башка мүчөлөрү “орусиялык мунайдын баасынын чегин” киргизүүнү принципиалдуу түрдө макулдашты деп жазат The Wall Street Journal сүйлөшүүлөргө жакын булактарга таянып.

Басылма белгилегендей, такталган план «Орусия менен тирешүүнүн жаңы фронтун» түзөт, анын максаты эми бюджеттин кирешесинин жарымына жакынын түзгөн агрессордун энергетикалык кирешеси болот. Россиянын мунайына болгон чектүү баалар, G7 өлкөлөрү ойлогондой, ошол эле учурда Орусиянын кирешелерин азайта турган, бирок ошол эле учурда бул мунайды дүйнөлүк рынокко жеткирүү каалоосун токтотпоосу керек. Ачык / Комментарий

2022-09-01 11:26:32 Казакстандагы январь окуясынын катышуучуларына мунапыс берилди

Казак президенти Касым Жоомарт Токаев январь окуясынын катышуучуларына мунапыс жарыялады. Ал элге кайрылуусунда азыр казак элине биримдик керек болуп турганын айтып, кечиримдүү болууга чакырды.

"Январь окуясына катышып, бирок оор кылмыш жасабаган жарандарга мамлекет жазаны жеңилдетти. Мыйзам бузгандардын айрымдары өздөрүнүн күнөөсүн түшүнүп, өткөн иштерине өкүнүштү. Аларга кечиримдүүлүк менен мамиле кылган жакшы деп ойлойм. Ошондуктан мен январь окуясынын катышуучуларына бир жолку мунапыс жарыялоону чечтим", - деди Казакстандын башчысы. Ачык / Комментарий

2022-09-01 11:12:47 Чункурчакта өткөн мааракеде эки күлүк өлдү. Биринин чабандеси марага өзү чуркап жеткен

Күлүгү маарага жетпей кулап калганда чабандес марага өзү чуркап жетип, 200 миң сом сыйлык алды. Ачык / Комментарий

2022-09-01 11:09:33 Юрист Т. Эргешбаева сыйлык берүү тартибин оорлотуу керек деп эсептейт

Президенттин жарлыгы менен эмес, мыйзам менен жөнгө салуу маанилүү.

Мамлекеттик сыйлыктар сый-урмат болбой, бийлике кызмат үчүн ыраазычылык билдирүү куралы болуп калды. Азыркы шартта эч кимге мамлекеттик сыйлыктар берилбеши керек болчу, себеби бул сыйлыктарга азырынча эч ким татыктуу боло элек.

Бийликте сапатсыз адамдар турганда, жаштар ошого жараша өсүп чыгат. Ачык / Комментарий

2022-09-01 10:57:03 “Жогорку Кеңештин укугу жок деп Регламент жөнүндөгу мыйзамга президент кол койгон жок” - И. Масалиев Ачык / Комментарий