Убаастабыллаах Ньурба улууһун олохтоохторо, быыбардааччылара! | ЗА АЛЕКСЕЯ ИННОКЕНТЬЕВА
Убаастабыллаах Ньурба улууһун олохтоохторо, быыбардааччылара!
Биһиги туб. балыыһа, тубдиспансер үлэһиттэрэ бу буолаары турар улууспут Аҕа баһылыгын быыбарыгар үтүө суобастаахтык, эппиэтинэстээхтик үлэлии-хамсыы сылдьар баһылыкпытын Алексей Михайлович Иннокентьевы талыаххайыҥ диэн ыҥырабыт!
Үөрэҕи бүтэрэн кэлиэхпиттэн 49 сыл биир тэрилтэҕэ, тубдиспансерга үлэлээн кэллим. Элбэх киһи эмтэнэн үтүөрэн үлэлии сылдьаллар. Үлэлээбитим тухары 2 эрэ баһылык сэллик аҕыйыырыгар үлэлээтэ. Варвара Андреевна уонна Алексей Михайлович. Алексей Михайлович үлэлиэҕиттэн сэллик ыарыы аҕыйаата. Администрацияҕа МВК тэрийэн сылга 5-6, квартал аайы мустан тыа баһылыктара, тэрилтэлэр салайааччылара сэллик утары үлэлэрин, ФЛГ нэһилиэньэ түһүүтүн, ыарыһахтарын отчуотууллар. Алексей Михайлович детсадка, оскуолаҕа барар оҕолор дьонноро ФЛГ 100% түһэллэрин ситистэ, үүт туттарааччылартан, тэрилтэлэри, ФЛГ түһүү 89-93 % буолла, ырыы эрдэ булуллан, эмтэнэн, үтүөрэн үлэлэригэр тахсаллар.
2020 сыл кулун тутар ыйыгар УАЗ микроавтобус массыына биэрэн, үлэбит сыыдымсыйда. Тыаларга ФЛГ аппарааттаах сылдьабыт, ыарыһахтарбытын көрөбүт, ФАП-ка , врачебнай учаастактарга үлэлэригэр көмөлөһөбүт. Саҥа көстүбүт ыарыһахтарбытын бэйэбит массыынабытынан куоракка балыыһаҕа илдьэбит.
Алексей Михайлович улуус баьылыгынан 5 сыл киһи хараҕар көстөр элбэх үлэни ыытта, ону биһиги бары көрө-истэ сылдьабыт. Кини Республикаҕа даҕаны, атын улуустарга даҕаны үчүгэй үлэлээҕинэн биллэр, ол баһылыкка төһүү куус буолар. Саҕалаабыт үлэлэрин ситэрэн, сайыннаран, олоххо киллэрэн Ньурбабыт өссө сайдыа, киэркэйиэ.
2025 сылга балыыһа 2 корпуһун тутуу саҕаланыа, Алексей Михайлович 9-ус республиканскай спартакиада Ньурбаҕа буоларын ситистэ, онно тутуллубатаҕа ырааппыт спорт комплекс тутуллуо, 2027 сылга бүтэр курдук, өссө да ФАП-тар тутуулара, детсадтар школалар, кулууптар дьиэлэрэ бааллар. Бу сырыыга сыыһа халты туттумуохха. Варвара Андреевна «өссө биир болдьоххо олорон ситэртиэм, үлэлиэм» диэбитин истибэккэ, эдэр киһини талабыт диэн өйөөбөтөхтөрө, онтон сылтаан «АЛРОСА” акцияларыттан маппыппыт, Надежда, Прокопий Плотниковтар ирдэһэн сүүрбүттэрэ да, оччотооҕу баһылык Попов өйөөбөтөҕө. Онон салайааччыны үлэтинэн сыаналаан, өссө элбэх үлэ баран, биһиги оҕолорбут, сиэннэрбит, хос сиэннэрбит баай-тот олорон, үөрэҕи бүтэрэн, үөрэхтээх буолалларын туһугар өссө төгүл толкуйдаан баран, Аҕа баһылыкпытыгар Алексей Михайловичка куоласпытын биэриэххэйиҥ.
Маргарита Михайловна ГЕРАСИМОВА,
Саха сирин Доруобуйа харыстабылын туйгуна, Арассыыйа Доруобуйа харыстабылын туйгуна, Ньурба улууһун бочуоттаах гражданина, үрдүк категориялаах фтризиатр быраас
#НьурбаларБииргэ #А5аБаhылыкпытКытаат
#Нюрбинскийрайон #Нюрба #Акана #Малыкай #Дикимдя #Едей #Жархан #Ынахсыт #Кюндяде #Бысыттах #Энгольжа #Хаты #Нюрбачан #Антоновка #Сюля #ХатынСысы #Мар #Сайылык #Чаппанда #Чукар #Нюрбинскийулус
