Атырдьах ыйын 5 күнүгэр Ньурба улууһун баһылыгар кандидат Алек | ЗА АЛЕКСЕЯ ИННОКЕНТЬЕВА

Атырдьах ыйын 5 күнүгэр Ньурба улууһун баһылыгар кандидат Алексей Иннокентьев нэһилиэнньэни кытта керсуһуутун сарсыарда 9 чаастан Кундээдэ нэһилиэгиттэн саҕалаата.
Төһө даҕаны ардах курулуу түһэ турбутун иһин, кандидаты истээри 46 киһи кэллэ.
Кандидат киирии тылыгар Ньурба улууһун сайдыыта хайдах быһыылаахтык бара турарын, кэлэр сылларга ханнык хайысхаҕа сайдыы барыахтааҕын туһунан кэпсээтэ. Ол кэнниттэн, “ыйытыы-хоруй” форматынан ырытыы саҕаланна. Бастатан туран, тастан оҕоруот аьын киллэрбэт, бэйэ аһынан хааччынар туһугар сайыҥҥы водопровод киирэрэ наада дииллэр. Сорох дьон иһэр уу хаачыстыбата хайдах быһһыылаахтык хонтуруолланарын туһунан туоһуластылар. Манна Алексей Михайлович ыйга иккитэ уу анаалыһын ылалларын быһааран биэрдэ. “Билигин иһэр ыраастаммыт уубут туох да минерала суох, көннөрү кылыгыр уу, онон Дьокуускайдааҕы «Чистая вода» тэрилтэни кытары Ньурбатааҕы ууну ыраастыыр тэрилтэ туһалаах минераллары эбэр курдук улэлэһэ сылдьалларын кэпсээтэ.
Ньурбатаагы Кормовой хампаанньа үлэтин олохтоохтор биһирииллэрин эттилэр, “кэнники кэмҥэ олус элбэх үлэ ыытыллыбытын көрө, астына сылдьабыт, Кундээдэҕэ баар элбэх сири-уоту туһаҕа таһаарарга эбии улэлиэххэ!” диэн этии киллэрдилэр.
Улууска ыытыллар социальнай программалары биһирииллэрин биллэрдилэр уонна олорор дьиэҕэ благоустройство киллэрэр тосхолго элбэх кыра оҕолоох дьиэ кэргэттэр хабыллаллара буоллар диэн баҕа санааларын биллэрдилэр. Ону таһынан бэкээринэ тутуутун, саҥа киириэхтээх спортзалга тренердары ыҥырыы, куһаҕан сонуннары тарҕатар дьону эппиэккэ тардар Сүбэ уорган тэрийэр туһунан, уонна да атын тирээн турар кыалҕалары сиһилии ырыттылар.
Дьон сэргэ бэрткэ астынан тарҕаста, Алексей Михайлович быыбарга кыайарыгар алҕаатылар.

#НьурбаларБииргэ #А5аБаhылыкпытКытаат

#Нюрбинскийрайон #Нюрба #Акана #Малыкай #Дикимдя #Едей #Жархан #Ынахсыт #Кюндяде #Бысыттах #Энгольжа #Хаты #Нюрбачан #Антоновка #Сюля #ХатынСысы #Мар #Сайылык #Чаппанда #Чукар #Нюрбинскийулус