Үйэбэр бассаапка элбэҕи суруйбатаҕым. Ол да буоллар, ньимийэн | ЗА АЛЕКСЕЯ ИННОКЕНТЬЕВА

Үйэбэр бассаапка элбэҕи суруйбатаҕым. Ол да буоллар, ньимийэн олорор эмиэ соччото суох курдук буолан барда. Билиҥҥи ыччат кыһалҕа диэни билбэккэ улааппыт буолан туохха да топпот харахтаах буолан иһэр. Мин даҕаны оннук айылаах кыһалҕалаах олоҕу олордум диэн өттөйөр санаам суох эрээри, бэрт ыгым кэмнэр буола сылдьыбыттарын өйдүүбүн. Ама да ааспытын иһин, Сэбиэскэй былаас эстиитэ, сопхуос баайа ыһыллыыта ыарахан кэмнэр этилэр. Элбэх саха ыала, киһи кыбыстыах, ынах арыытын оннугар “рама” диэн самааска курдук дьаабыны сиэн олорбуттара. Баайы ыһар дөбөҥ - сүөһүнү эһэр, бааһыналары быраҕар. Оттон саҥаттаан сөргүтэр быдан ыарахан. Ол иһин кэнники биэс сыллаах тыа хаһаайыстыбатын сөргүтүү диэки салаллыыны өрөгөйдөөн көрсүбүтүм. Өрөспүүбүлүкэ, оройуон дьиҥнээхтик ылсан, хороҕор муостааҕы элбэтэргэ, ходуһалары, бааһыналары тилиннэрэргэ дьиҥнээх хамсааһын барбыта. Бу 2018 сыллаах түмүктэри мунньубут видеону көрөн астынным. Барытын өйдүүбүн, Куочайга күүлэй моһуоннаах суббуотунньук ыытан күрүө-хаһаа бөҕөтүн нэһилиэктэр күүстэринэн туруорбуттарын, фермердарга сүөһү хаҥатарга субсидия кэлбитин, “Ньурбатааҕы сүөһү аһын хампаанньата” саҥа тэриллэн аҕыйах кэм иһигэр кэхтибит бааһыналары таҥастаабытын.
Туох да диэбит иһин, саха киһитэ саха аһын аһаатаҕына эрэ доруобай буолар, толору олоҕу олорор. Онон Ньурба сиригэр эт-үүт элбиирин туһугар хамсаныы олоҕу тупсарарын кытта нэһилиэнньэ доруобуйатын эмиэ тупсарара чахчы.
Билигин бассаапка “былаас тугу да оҥорбото” диэн сымыйа сураҕы сүүрдэ сатыыллар. Ону умнуган дьон итэҕэйэ охсор – буолумна, үлэлиир дьону мөҕөртөн, балыйартан матыахтара дуо. Аны сорохтор “бэйэтин хармааныттан биэрбитэ дуо, түҥэтиллиэхтээҕи биэрдэҕэ дии” дэһэллэр. Дьэ төһө элбэҕи эрдэ түҥэтэллэр этэй? Тоҕо эрэ өйдөөбөппүн ээ, сыл аайы тарбыйах, сибиинньэ түҥэтэллэрин, урукку кулубалар. Дьаһалта сөптөөх суолу тутуһан дьону байытан оройуону байытарга санаммыттарын, күлүккэ имнэнэн, таҥараҕа махтаныах тустаахпын. Чэ уонна уһуну киэни тэнийэ барбакка, бу видеону көрүҥ диэн ыҥырабын. Олох аҕыйах сыл ааста эрээри, оччолорго Марха нөҥүө муоста да тутулла илик эбит. Арай санаатахха тутуллубута быданнаабыт курдук – киһи кырдьык үчүгэйгэ дөбөҥнүк үөрэнэр.

#НьурбаларБииргэ #А5аБаhылыкпытКытаат

#Нюрбинскийрайон #Нюрба #Акана #Малыкай #Дикимдя #Едей #Жархан #Ынахсыт #Кюндяде #Бысыттах #Энгольжа #Хаты #Нюрбачан #Антоновка #Сюля #ХатынСысы #Мар #Сайылык #Чаппанда #Чукар #Нюрбинскийулус