2022-12-31 18:16:46
Аллаһының сәламе, рәхмәте һәм бәрәкәте булсын сезгә!
Хәерле кич!
Хөрмәтле авылдашлар, дин кардәшләр!
Бүген 2022 елның соңгы киче. Күбебез, гадәттәгечә, яңа елны каршы алырга әзерләнәбез. Якыннарыбызны, дусларыбызны, туганнарыбызны, тирә-күршеләрне бәйрәм белән котлыйбыз. Бу мөселманнар бәйрәме булмаса да, безгә тирән үтеп кергән бәйрәм. Аннан, теләкнең, яхшы сүзнең, артыгы булмас кебек... Иң мөхиме, кирәкмәгән, кешене иманнан чыгара торнан, ХАРАМ нәрсәләрдән сакланыйк! Балаларыбызны гонәхтан саклыйк! Начар, мөселман кешесенә хас булмаган гадәтләрне калдырыйк!
Хәләл юл, тир түгеп тапкан малларыбызны исраф итмик. Аллаһының бәрәкәтен саклыйк!
Аллаһыга шөкер, авылыбыз мәдрәсәсенә дини тәрбия, укыту эшләре дәвам итә. Мәдрәсәгә балаларыбыз да, ир-егетләр дә, хатын-кызлар да күпләп йөри. Ел дәвамында, сезнең ярдәм белән, балалар өчен төрле чаралар уздырдык.
Иң зурлары: Ураза гаеты көнне авыл балалары өчен Ураза бәйрәме һәм мәдрәсәдә кунып малайлар, кызлар өчен җәйге лагерь.
Аллаһының рәхмәте яусын!Бу эшләргә күп авылдашлар ярдәм иттеләр.
Аерым рәхмәт һәр атна, һәр ай эзлексез, үзләренең өлешләрен керткән егетләребезгә ("Гамәлләр арасыннан иң хәерлесе – дәвамлы булганы”(хәдис)).
Шул ук вакытта мәдрәсәгә 1 тиенлек булышмаган авылдашларыбызда бик күп. Мөхим түгел, баймы ул, урта хәллеме. Ир-егетме, әллә хатын-кызмы. Әгәр, үзен мөселман диеп санаган кеше, намаз укымый, ураза тотмый, Аллаһ юлына садака бирми икән, уйланырга тиеш, "дөрес яшимме мин, Аллаһының каршысына нәрсә белән барырмын", - диеп. Ә Аның каршына барыбызда барачакбыз.
Һәр ай мәдрәсәнең расходы 110-120 мең. Җыела 40-50 %. Менә кая "инвестировать" итәргә кирәк. Бу оттырышсыз ( беспроигрышный) вариант . 100 артык бала укый. Тагын күпме ир-егетләр, хатын-кызлар (50 артык). Авылыбызда бер Коръән укучы калмаган иде. Хәзер, Аллаһыга шөкер, йөзләп кеше араб хәрефләре белән изге китабыбызны укыйлар. Шәкертләрнең, Коръән укучыларның һәр бер хәрефе өчен булышучыларга да, кыямәт көненә тикле, әҗер савап барачак, ин шә Аллаһ. Шәкертләребез арасында (Коръән группасы), әлхамдүллиләһ, 20-30 сура, Йәсин сурасын яттан белүчеләр дә бар. ( без, зурлар, күпмебез шундый гыйлем белән мактана ала).
Кышкы каникулда да укулар дәвам итәчәк. Алай гына түгел, малайлар өчен кунып кышкы лагерь була, Аллаһы теләсә.
Пәйгамбәребез Мөхәммәд(с.г.в.) бер хәдисендә: "Галим, яки гыйлем өйрәнүче, яки тыңлаучы, яки гыйлемне сөюче бул! Ләкин бишенчесе булма, һәлак булырсың!"- дигән.
Һәр кеше үзенең гамәл дәфтәренә күберәк изгелеклә яздырырга торышырга тиеш. Ә Изге Коръәнне укырга өйрәтү, ул эштә ярдәм итү - ул иң изге, хәерле гамәлләрнең берсе.
Пәйгамбәребез тагын бер хәдисендә: “Изгелек кылуда бер-берегез белән ярышыгыз”, – диелгән. Ә без, ярышабызмы?
Аллаһыга шөкер, в целом алганда, безнең Тукай халыгы-ярдәмчел.
Аллаһ риза булсын!
Йә, Раббым-АЛЛАҺ!
Безләрне, динебезгә, милләтебезгә файдалы кешеләр булып яшәүбезне насыйп ит!
Киләсе елларыбызны хәерле кыл!
Изге нияттә булучылар өчен, мәдрәсә счеты:
4279 3806 7949 0187
560 views15:16
Т
