Ullı shayır Ibrayım Yusupovtıń tuwılǵanına 94 jıl toldı
Ózbekstan hám Qaraqalpaqstan xalıq shayırı, “Ózbekstan Qaharmanı” Ibrayım Yusupov 1929-jıl 5-mayda Shımbay rayonında tuwılǵan.
Shayırdıń “Baxıt lirikası”, “Kúnshıǵıs jolawshısına”, “Úyler”, “Jeti asırım”, “Dala ármanları”, “Kewil kewilden suw isher”, “Tumaris hám basqa poemaları”, “Yosh”, “Alasatlı dúnya bul”, “Duzlı samallar”, “Kewildegi keń dúnya”, “Begligińdi buzba sen…”, “Hárkimniń óz zamanı bar” atamasındaǵı qosıq kitapları hám “Tańlamalı shıǵarmaları” toplamları basıp shıǵarılǵan.
Ibrayım Yusupov “El-jurt húrmeti”, “Doslıq” ordenleri menen de sıylıqlanǵan.
Onıń qosıqları qazaq, ukrain, belarus, gruzin, latısh, bolgar hám basqa da xalıqlardıń tillerine awdarılǵan. Shayır 2008-jıl 24-iyulde dúnyadan ótken.
https://t.me/shaxtemir
