Sadir_Japarov

2022-12-26 15:15:05 Садыр Жапаровду ташыган №1 борт Санкт-Петербург шаарына конду. Президент КМШ өлкөлөрүнүн башчыларынын бейформал жолугушуусуна катышат. Ачык / Комментарий

2022-12-18 16:05:37 Ачык / Комментарий

2022-12-14 18:00:44 Садыр Жапаров ӨКМге алынган 2 тик учак кандай максатта колдонуларын "Кабарга" санап берди:

керек болуп калса, тез жардам катары колдонобуз
бай бизнесмендерибиз көп. Алар ижарага алып, мамлекеттин булуң-бурчуна учса болот
туристтер же өзүбүздүн жарандар деле ижарага алууга укуктуу
жеке жактарга ижарага берет деп трагедия кылбагыла. Ижарага бергенде тик учак өзүн-өзү тез актайт
биз “мамлекеттин тик учагын мамлекет эле колдонуп, башка учурда жөн эле токтоп тура бериши керек” деген ой жүгүртүүдөн кетишибиз керек
куткаруу иштерине да колдонобуз. Өткөндө Тажикстан менен окуя болгондо тоо арасында адашып кеткен аскерлерди издеп таптык. Тик учак болбогондо, алар кандай күндү көрүшмөк, ким билет. Ачык / Комментарий

2022-12-06 08:14:28 Садыр Жапаровду туулган күнү менен РФ президенти Владимир Путин куттуктады. Бүгүн өлкө башчы 54 жашка чыкты.

"Россия өлкөлөрүбүздүн ортосундагы союздаштык жана стратегиялык өнөктөштүк мамилелерди өнүктүрүү, евразиялык мейкиндикте интеграциялык процесстерди алдыга жылдыруу, ошондой эле КМШ, ЖККУ жана ШКУ алкагындагы кызматташууну жогору баалайт", — деп айтылат куттуктоодо.

Ошондой эле ал Садыр Жапаровго чың ден соолук, бакубатчылык жана мамлекеттик ишмердигинде ийгиликтерди каалады.

Андан тышкары, Жапаровду Лукашенко, Мирзиёев жана Токаев дагы куттуктады. Ачык / Комментарий

2022-12-05 15:00:36 Өзбекстандын президенти Шавкат Мирзиёев 9-ноябрь күнү Кыргызстанга келет. Бул тууралуу ТИМдин орун басары Айбек Артыкбаев ЖКда билдирди.

Бул күнү Бишкекте ЕАЭБ мамлекеттеринин жетекчилеринин саммити дагы өтөт.

10-декабрда Мирзиёевдин Кыргызстанга мамлекеттик иш сапары башталат. Бул күнү эки өлкө ортосунда бир катар документтерге кол коюлушу күтүлүп жатат. Анын ичинде эки тараптын жарандарынын чек арадан өтүүсүн жеңилдетүү маселеси каралышы мүмкүн.

Мамлекеттик иш сапардын мааниси кандай? Бул кызматтык сапарлардын эң кадырлуусу. Президент кызматта турган учурда бир өлкөгө мамлекеттик иш сапар менен бир гана жолу бара алат. Ачык / Комментарий

2022-11-19 13:46:20 Медет Садыркуловдун өлүмү: Айыпталуучу Санжар Сапарбеков 14 жылга кесилди

Президенттин мурдагы аппарат жетекчиси Медет Садыркуловдун өлүмүнө шектелген Санжар Сапарбеков 14 жылга эркинен ажыратылды. Өкүмдү Аламүдүн районунун соту чыгарды.

2009-жылы мартта Казакстандан келе жаткаткан Медет Садыркуловду саясат таануучу жана айдоочусу өлтүрүлгөнүн тергөө аныктаган. Алардын унаасы өрттөгөлгөн абалда Кой-Таш айылынын аймагында табылган. Анда расмий версия боюнча жол кырсыгынан кийин унаа өрттөнүп кеткени айтылган. Кийин Садыркулов, Слепченко жана айдоочусу унаа өрттөнгөнгө чейин каза болгону такталган. Мунун артында ошол кездеги президент Курманбек Бакиевдин иниси Жаныш Бакиев турганы айтылган.

Үч адамды өлтүрүүгө айыпталып, 2011-жылы Санжар Сапарбеков издөөгө алынган. Өткөн жылы Сапарбеков кармалып, сот иштери башталган болчу. Ачык / Комментарий

2022-11-18 17:13:02 Ачык / Комментарий

2022-11-16 20:21:10 Президент Жапаров эртең Жогорку Кеңештин жыйынына катышат

Эртең парламентте министрлер кабинетинин жаңы мүчөлөрү ант берет. Мындан тышкары, Кыргызстан менен Өзбекстандын чек арасы тууралуу маселе карала турганы айтылды.

Жыйын саат 10.00дө башталат. Түз эфир УТРК, республикалык жана облустук телеканалдардан, ошондой эле социалдык тармактагы баракчалардан көрсөтүлөт. Ачык / Комментарий

2022-11-10 13:01:13 Садыр Жапаров Өзбекстанга иш сапары менен жөнөп кетти. Ачык / Комментарий