2022-10-07 06:49:56
#УСТОЗАМ
#эътироф
Менга ақида, араб тили, фиқҳ илмларидан устозлик қилган онлайн мадрасада дарс берган Қирғизистонлик жонкуяр, шижоатли, меҳрибон, фидоий устозам Бибиражаб устозадирлар.
Бу илмларни илк бора шу устозадан қабул қилдим.
Уларни жудаям яхши кўраман.
Дарс жараёнида бирор масалани тушунмасак, эринмасдан то тушунгунимизча тушунтирдилар. Ёш бўлишларига қарамай, ҳам оила, ҳам фарзандлари ўқиши, ўзларини ўқишларидан ортиб, бизга дарс беришга ҳам имкон топганлар.
2-курс бўлганимизда гуруҳ сардоримиз турмушга чиққани учун янги оила шароитига мослашиб олгунча, рухсат сўраган экан, Бибиражаб устозам менга гуруҳимизга сардор бўлишимни тайинладилар.
Бошида уларни ўта қаттиққўл деб ўйлагандим. Аслида толибаларни ўқишига нисбатан талабчан эканлар.
Устоз талабчан бўлса, толибалари ҳам янада сергак бўлиб, ўқишга жиддийроқ ёндашишади, деб ўйлайман.
Сардорлик сабаб устоза билан яқин бўлиб кетдик.
Уларни ўзлари қолиб, бошқа аёл-қизларни ҳам илм олишлари учун жон куйдиришларини кўриб, жудаям яхши кўриб қолдим.
Роббим суйсин устозамни.
Мажлисларда, оила, фарзанд тарбияси, илм олишдаги ҳимматга оид суҳбатларда бошқа гуруҳ толибалари устозани номларини ёзиб, соғинганини, кўрганидан хурсандлигини ёзса, бироз рашким келарди.
«Нега мени устозамга яхши кўраман дейди?» - дея устозамни қизғонардим.
(Бу яхшими, ёмонми билмадим).
Ўзларига “Устозам!” дея мурожаат этишга ҳаддим сиғмайди.
Боиси ўзимни шогирд билсам-да, шогирдлардек елиб-югуриб хизматларини қилолмадим. Гуруҳ сардорларидан бирор толибага вазифа айтсалар, улардан олдин менга айтсалар эди, деб энтикиб турардим. Қандай юмушлари бўлса, мен ёрдам берсам деб шошардим, токи бошқалар бажариб қўймасин.
Бундан ўзим хурсанд бўлардим. Кичкинагина юмушларида ҳам енгиллик бўлишида сабабчи бўлсам, дердим.
Улардан кўп нарса ўргандик.
Аллоҳ таоло илм йўлидаги ҳаракатларига, меҳнатларига беҳисоб савоблар ёзсин.
Уларни ва қалбларига яқин барча инсонларини жаннати ва гўзал жамолини кўриш ила бахтиёр қилсин. Омин!
Устозларим кўп.
Бу устозимнинг ҳам қалбимда ўз ўринлари бор.
Менга шундай устозни берган, танитган, илмларидан баҳраманд қилган Аллоҳга ҳамдлар бўлсин.
Уларни чин дилимдан яхши кўраман.
Бахтимизга ҳамиша бор бўлинг, соғ бўлинг илоҳим.
Бугунги айёмингиз муборак бўлсин, Устозам!
Чексиз ҳурмат ва эҳтиром ила Азиза Қурбонова
01.10.2022, шанба.
425 views03:49
M
