Hidoyat sari_571☪️

2022-08-22 03:52:07 Омир ибн Саъд розияллоҳу анҳудан, унинг отасидан ривоят қилинади:
«Набий соллаллоҳу алайҳи васаллам: «Ким (оч қоринга) эрталаб ажвадан етти дона еса, ўша куни унга заҳар ҳам, сеҳр ҳам зарар қилмайди», дедилар».

Учовлари ва Насоий ривоят қилганлар

https://t.me/hidoyat_sarii_571 Ачык / Комментарий

2022-08-22 03:51:29 РЎЗАНИНГ НЕЧИ ТУРЛАРИ БОР ?

Рўзанинг турлари тўрттадир:

I. Лозим рўза.
Лозим рўза иккига: фарз ва вожибга бўлинади.
Фарз рўза ҳам иккига: тайинли ва тайинли эмасга бўлинади.
Тайинли фарз рўза - Рамазон рўзасини адо этишдир.
Тайинли бўлмаган фарз рўза – Рамазоннинг қазоси ва каффорат рўзасидир.
Вожиб рўза ҳам иккига: тайинли ва тайинли эмасга бўлинади.
Тайинли вожиб рўза – муайян назр рўзадир.
Тайинли бўлмаган вожиб рўза – мутлоқ назр рўза ва нафл рўзани бузган бўлса, қазони тутишдир.

II. Ҳаром рўза.
Бу турдаги рўзани ҳанафийлар: “макруҳи таҳримий” ҳам дейдилар. Бундай рўзалар бир неча хилдир:
1. Аёл кишининг эрининг изнисиз ёки розилигини билмай туриб нафл рўза тутиши.
2. Шак куни рўза тутиш.
3. Рўза ҳайити куни ҳамда Қурбон ҳайити ва ундан кейинги уч куннинг рўзасини тутиш.
4. Ҳайзли ва нифосли аёлнинг рўза тутиши.
5. Рўза тутса ҳалок бўлишини билиб туриб рўза тутган одамнинг рўзаси.

III. Ихтиёрий рўза.
Ҳанафий мазҳабида ихтиёрий рўза учта: суннат, мандуб ва нафлга бўлинади.
Суннат рўза – Расулуллоҳ соллаллоҳу алайҳи васаллам бардавом тутиб юрган ихтиёрий рўза.
Ошуро ойининг тўққизинчи ва ўнинчи кунининг рўзаси суннат ҳисобланади.
Мандуб ёки мустаҳаб - Расулуллоҳ соллаллоҳу алайҳи васаллам бардавом тутмаган ихтиёрий рўза.
1. Бир кун тутиб, бир кун очиб юриш.
2. Ҳар ойда уч кун рўза тутиш.
3. Ҳафтанинг душанба ва пайшанба кунлари рўза тутиб юриш.
4. Шавволдан олти кун рўза тутиш.
5. Арафа куни рўза тутиш.
6. Арафадан олдин саккиз кун рўза тутиш.
7. Шаъбон ойида рўза тутиш
Нафл рўза – зикр қилиб ўтилганлардан бошқа тутишга тарғиб қилинган рўзалар.

IV. Макруҳ рўза.
Бу хилдаги рўзани ҳанафий мазҳабида макруҳи танзиҳий ҳам дейилади. Улар қуйидагилардир:
1. Ошуро кунининг ёлғиз ўзининг рўзасини тутиш.
2. Жума кунининг ёлғиз ўзининг рўзасини тутиш.
3. Шанба кунининг ёлғиз ўзининг рўзасини тутиш.
4. Наврўз куни рўза тутиш.
5. Меҳрижон куни рўза тутиш.
6. Ҳар куни рўза тутиш.
7. Гапирмасдан рўза тутиш.
8. Улаб рўза тутиш.
9. Мусофирнинг қийналиб рўза тутиши.

Шайх Муҳаммад Содиқ Муҳаммад Юсуф "Кифоя" китобидан. Ачык / Комментарий

2022-08-22 03:49:22 Расулуллоҳ солаллоҳу алайҳи ва салламнинг оилалари :

Оталари

Абдуллоҳ ибн Абдулмуттолиб пайғамбаримиз алайҳиссалом туғилмасларидан олдин оламдан ўтганлар

Оналари Омина бинти Ваҳб пайғамбаримиз алайҳиссаломнинг 6 ёшликларида вафот қилганлар.

Боболари Абдулмуттолиб ибн Ҳошим пайғамбаримиз алайҳиссалом 8 ёшликларида дунёдан ўтган.

Амакилари: Расулуллоҳ солаллоҳу алайҳи ва салламнинг 9 та амакилари бўлган. Уларининг исмлари: Ҳорис, Зубайр, Ҳамза, Зирор, Абу Толиб (Абду¬маноф), Абу Лаҳаб (Абдулуззо), Абдулкаъба, Муғийра ва Навфал.

Аммалари: Умайма, Баро, Умму Ҳакийм, Сафия, Арво, Отика.

Аёллари: Хадийжа бинту Ҳавайлид, Савда бинту Замъа, Оиша бинту Абу Бакр, Ҳафса бинту Умар, Зайнаб бинту Ҳузайма, Умму Салама (Ҳинд бинту Абу Умайя), Зайнаб бинту Жаҳш, Маймуна бинту Ҳорис, Жувайрия бинту Ҳорис, Умму Ҳабиба (Рамла бинту Абу Суфён), Мория бинту Шамъун, София бинту Ҳуяй.

Фарзандлари: Расулуллоҳ солаллоҳу алайҳи ва салламнинг барча фарзандлари Хадийжа онамиздан дунёга келганлар.

Ўғиллари: Расулуллоҳ солаллоҳу алайҳи ва салламнинг учта ўғиллари бўлган аммо улар ёшликларида вафот қилганлар. Улар: Қосим, Абдуллоҳ, Иброҳим.

Қизлари: Зайнаб, Фотима, Руқайя, Умму Кулсум розияллоҳ анҳунна.

Куёвлари:

Абул Осс ибн Робиъ розияллоҳу анҳу – Зайнаб бинту Муҳаммад алайҳиссаломнинг турмуш ўртоқлари.

Али ибн Абу Толиб розияллоҳу анҳу – Фотима бинту Муҳаммад алайҳиссаломнинг турмуш ўртоқлари.

Усмон ибн Аффон розияллоҳу анҳу – аввал Расулуллоҳ солаллоҳу алайҳи ва салламнинг Руқайя исмли қизларига уйланадилар, бир қанча вақт ўтиб Руқайя розияллоҳу анҳо вафот этганларидан сўнг Расулуллоҳ соллаллоҳу алайҳи ва салламнинг кенжа қизлари Умму Кулсум розияллоҳу анҳога уйланадилар. Шу сабабли Усмон розияллоҳу анҳу «Зиннурайн» - икки нур соҳиби деган ном билан шарафланганлар.

Набиралари:

Абул Осс ибн Робиъ ва Зайнаб бинту Муҳаммад алайҳиссаломнинг фарзандлари: Али, Умома.

Али ибн Абу Толиб ва Фотима бинту Муҳаммад алайҳиссаломнинг фарзандлари: Ҳасан, Ҳусайн, Мухассин, Зайнаб, Умму Кулсум.

Усмон ибн Аффон ва Руқайя ибн Муҳаммад алайҳиссаломнинг фарзандлари: Абдуллоҳ. Ачык / Комментарий

2022-08-22 03:49:14 #кун_эслатмаси

Дуонинг арабча матни:
اللَّهُمَّ إِنِّي أَعُوذُ بِكَ مِنَ الْهَرَمِ وَأَعُوذُ بِكَ مِنْ أَنْ يَتَخَبَّطَنِي الشَّيْطَانُ عِنْدَ الْمَوْتِ

Дуонинг маъноси:
«Аллоҳим! Мен Сендан ўта қариликдан ва ўлим олдидаги шайтоннинг бузғунчилигидан паноҳ сўрайман». Ачык / Комментарий

2022-08-22 03:45:18 Тўрт кишидан ҳеч қачон аразламанг!
– Отаданг
– Онадан
– Aка-укадан
– Опа-сингилдан

Тўрт нарсадан Aллоҳ таолонинг паноҳини тиланг!
– Ғамдан
– Маҳзунликдан
– Ожизликдан
– Бахилликдан

Тўрт кишига бағритошлик қилманг!
– Етимга
– Мискингга
– Фақирга
– Беморга

Тўрт нарсани тақинчоқ каби тақиб олинг!
– Сабрни
– Ҳалимликни
– Илмни
– Саҳийликни

Тўрт кишига яқин юринг!
– Мухлисга
– Вафодорга
– Очиқ кўнгилга
– Содиққа

Тўрт кишидан узоқ юринг!
– Оилангизга кўз олайтирадиган фосиқдан
– Миллат хоинидан
– Мусулмонларнинг хатосини излаб, шарманда қилиш учун уринадиган «қулоқ»дан
– Душманга хизмат қиладиган пасткаш «дўст»дан

Тўрт кишига ишонманг!
– Каззобга
– Ўғрига
– Ҳасадгўйга
– Манманга

Тўрт кишидан меҳрни дариғ тутманг!
– Жуфтларинггиздан
– Фарзандларингиздан
– Оиланггиздан
– Содиқ дўстларинггиздан

Тўрт нарсани камайтиринг!
– Ейишни
– Ухлашни
– Дангасаликни
– Беҳуда сўзни

Тўрт нарсадан ҳеч қачон алоқангизни узманг!
– Намоздан
– Қуръондан
– Зикрдан
– Қариндошлик алоқасидан. Ачык / Комментарий

2022-08-22 03:44:20 Расулуллоҳ соллаллоҳу алайҳи васаллам тонг отса:

اللهُمَّ إِنِّي أَسْأَلُكَ عِلْمًا نَافِعًا وَرِزْقًا طَيِّبًا وَعَمَلاً مُتَقَبَّلاً

«Аллоҳумма инний асалука ъилман наафиъан ва ризқон тоййибан ва ъамалан мутақоббалан», деб айтар эдилар.

Маъноси: Аллоҳим, Сендан фойдали илм, покиза ризқ, қабул бўладиган амал сўрайман!

Кунингиз хайрли ва мазмунли ўтсин!

https://t.me/hidoyat_sarii_571 Ачык / Комментарий

2022-08-22 03:34:04 #savol

Qur'oni Karimni tajvid qoidalariga binoan yaxshi qiroat qiluvchi kishi nima deb ataladi Ачык / Комментарий

2022-08-22 03:31:33 DIN va BIZ
kanalimizdan uzoqlashmang

https://t.me/din_biz Ачык / Комментарий

2022-08-21 23:20:09 АЙБНИ ШАЙТОНГА ТЎНКАМАНГ

"Бошингизга бир фалокат келганида зинҳор:
"Қуриб кетсин шайтон" демангиз. Чунки шундай десангиз, шайтон талтайиб кетади, ўзича ғурурланиб: "Кўрдингизми кучимни, бошингизга бу фалокатни мен солдим, - дейди. Бундай бало-қазога дуч келганингизда "Бисмиллоҳ..." денг. Шунда шайтон аламидан кичраяди, ҳатто пашшадан-да заиф ҳолга келади".
Имом Аҳмад, Байҳақий, Ҳоким ривоятлари.

https://t.me/hidoyat_sarii_571 Ачык / Комментарий

2022-08-21 23:19:14 Пайғамбаримиз соллаллоҳу алайҳи ва салламдан сўрадилар: Бирга ўтирадиган улфатларимиз ичида қайсилари яхши? Ул зот:
Кўриниши сизга Аллоҳни эслатадиган!
Гапирган гаплари илмингизни оширадиган!
Қилган амали эса охиратни ёдга соладиганлари!—деб жавоб бердилар.

Рисолат ул-мустаршидин Ачык / Комментарий