ЖОЛ

2022-06-27 08:13:20 Биз каалагандай скриншот кылуунун ыңгайлуу жолу

Компьютердин же ноутбуктун экранын сүрөт катары сактоо (скриншот кылуу) керек болгондо биз адатынча PrtSc бармакчасын колдонобуз. Бирок бул ыкманын ыңгайсыз жагы - экранда көрүнүп турганды гана сүрөткө тартууга болот. Документтин же сайттын экранга батпай калган жагын өзүнчө скриншот кылууга туура келет. Дагы да экранда биз скриншотко түшүшүн каалабаган маалыматтар болушу мүмкүн.
 
Аталган маселелердин айрымдарын, же бардыгын чече алган түрдүү программалар бар. Мен алардын ичинен силерге Google Chrome браузерине эсептелген Nimbus Screenshot & Screen Video Recorder аталыштагы кеңейтмесин сунуштагым келип турат.
 
Акысыз колдонууга мүмкүн болгон бул кеңейтмеде экранды толугу менен же анын кайсы бир гана бөлүгүн, сайтты, документти толугу менен скриншот кылуу мүмкүнчүлүгү каралган. Ал скриншотторду дароо эле редакторлосо болот. Мисалы, мен бул постумду аталган кеңейтмени, анын редакторлоо мүмкүнчүлүгүн колдонуу менен жасагам.
 
Ошондой эле экранды видео катары жаздырса болот. Бир гана акысыз тарифте анын узактыгы 5 мүнөт менен чектелген.
 
Колдонуңуздар!
 
#медиа
 
#офис

__________________________
Рубрикалар | Канал тууралуу | “Жол VIP"ге жазылуу | Колдоо Ачык / Комментарий

2022-06-22 12:19:11 Акысыз онлайн-конвертор

Бүгүн мен акысыз онлайн-конвертор (которгуч) тууралуу маалымат менен бөлүшкүм келет.

Ишибизде кайсы бир документтерди же файлдарды бир форматтан башка форматка өткөрүү зарылчылыгы көп пайда болот. Мисалы, word документти pdf форматына, же AVI түрүндөгү видеону MP4 түрүнө. Мындайда эмне кылаарынды, кимге кайрылаарыңды билбей алдастап каласың.

Эми бул силер үчүн маселе болбошу керек.

https://www.online-convert.com/ru жогоруда айтылгандардын бардыгын эч бир программа издеп, жүктөбөстөн заматта жасаганга, эң негизгиси акысыз жасаганга мүмкүнчүлүк берет.

Бирок да, баары бир, айрым чектөөлөр бар. Эми ансыз болбойт го бул заманда :-) Бул онлайн-кызматта акы төлөбөй бир саатта 3 гана конвертация кылганга мүмкүн! Бир сааттан кийин кайра 3 конвертация кылсаңар болот. Анан да конвертация болгон файлдардын жалпы салмагы 100 МБтан ашпашы керек.

Кызматты колдонуунун шартында катталуу керектиги жазылган. Бирок мен эч катталбай эле 3 конвертация кыла алдым.

Чынында, бул сайттын мүмкүнчүлүктөрү өтө көп. Аларды өзүңөр байкап көрсөңөр болот.

Мага жаккан дагы бир жагы -  кийин бул сайтты издеп убара болгуңар келбесе, атайын кеңейтмени (расширение) жүктөп, браузерге бекитип алсаңар болот.

#медиа

#офис

__________________________
Рубрикалар | Канал тууралуу | “Жол VIP"ге жазылуу | Колдоо Ачык / Комментарий

2022-06-20 12:33:51 Кайсы почта кызматын колдоносуңар?

Бүгүн кайсы почта кызматын колдоноруңар өтө маанилүү. Киберкоопсуздук боюнча адистердин айтымында, айрым почта кызматтарын колдонуу - өтө опурталдуу. Мисалы, mail.ru почтасын. Анткени андагы бардык кат жазышуулар орусиялык атайын кызматтар үчүн ачык китептей. Жашырып не, көбүбүздүн почтабыз ушул кызматта экенин жакшы билебиз. Мени өзгөчө кейиткени, айрым мамлекеттик кызматтардын расмий почталары, же мамлекеттик органдарда иштегендердин почталары ушул кызматта болгону.

Кайсы почта кызматын колдонуу туура болот?

Gmail.com - Google компаниясынын почта кызматы. Бул компанияга тийиштүү көп сандагы пайдалуу аспаптарга, кызматтарга жетүүгө мүмкүнчүлүк берет. Башка жагынан алганда, компания колдонуучуларынын үстүнөн такай байкоо жүргүзүп келет. Ишибизге пайдалуу аналитика үчүн дешет компания. Мындайда, аккаунттагы жөндөөлөр аркылуу байкоо жүргүзүүнү кыйла чектеп койсо болот. Анан да Gmail почтасындагы кат алышуунун купуялуулугун сактоо боюнча атайын программалык кеңейтмелер бар. Мисалы, FlowCrypt — end to end шифрлөө.

ProtonMail - купуялуулука катуу көңүл бурган почта кызматы (Швейцария). Андагы каттардын бардыгы шифрленип турат. Ал эмес почта кызматынын ээси болгон компания дагы серверде сакталып турган катыңарды окуй албайт. Акы төлөнүүчү аккаунтардан сырткары акысыз тарифи да каралган. Анда күнүнө 150гө чейин кат алышса болот. 500 МБ чейин орун берилет. Орус тилине которулган.

TutaNota - жогорку почта кызматына көп жагынан окшош (Германия). Анда да акылуу жана акысыз тарифтер каралган. Акысыз тарифте каттарга 1 ГБ орун берилет. Интерфейси англис тилинде.

#офис

#медиа

#коопсуздук

__________________________

Рубрикалар | Канал тууралуу | “Жол VIP"ге жазылуу | Колдоо Ачык / Комментарий

2022-06-17 15:44:45 Кайсы жакта блог ачып иштетсе болот?

Ар кимибиз бир убакта өзүнчө бир блог ачып, аны алып баргыбыз келет. Же топтогон тажрыйбабыз менен бөлүшөлү деп, же кайсы бир маселелер боюнча өз ой-пикирлерибизди билдирели деп. Ага себептер көп болушу мүмкүн. Аны менен катар жазгандарыбыз да соцтармактардагыдай чачыранды болбой, кайсы бир иретте топтоштурулуп турса дейбиз. Бирок кайсы жакта блог ачып иштетүү мүмкүнчүлүктөрү каралганын билбегенибиз бизди токтотуп коет.

Төмөндө мен келтирген платформаларда ар бирибиз акысыз блог ачып иштетсек болот:

Blogger - Google компаниясына тийиштүү платформа. Өздөштүрүүгө жеңил. Бирок акыркы жылдары бул аянтчанын популярдуулугу бир аз солгундай түштү.

Яндекс Дзен - орусиялык платформа. Өтө жөнөкөй. Бирок башында окурмандарды табыш кыйын. Бул аянтчада кыргызча блогдордун жана кыргыз окурмандардын саны аз.

Teletype - жөнөкөй, бирок бир топ жакшы мүмкүнчүлүктөр каралган онлайн кызмат. Бул жерде да, тилекке каршы, кыргыз тилдүү окурмандарды табуу кыйын.

Medium - акын-жазуучулар, журналисттер, блогерлер арасында популярдуу платформа. Бир гана алардын көбү чет элдиктер. :-(

Аталган платформаларда блогерлер аянтчалардын ээлерине көз каранды. Платформа жабылса блогуңарды да башка жакка көчүрүүгө туура келет. Эгерде эч кимге көз каранды болгуңар келбей, өз блогунарды ачып иштеткиңер келсе мен WordPress-те өзүнчө сайт ачып иштетүүнү сунуштайт элем.

Жакындан бери мен WordPress боюнча сабактарды өткөрө баштадым. Каалоочулар болсо окутуу курстарым тууралуу кенен маалыматты бул жерден алаласыздар.

#блогинг

__________________________
Рубрикалар | Канал тууралуу | “Жол VIP"ге жазылуу | Колдоо Ачык / Комментарий

2022-06-15 10:04:04 Инфографиканы кайдан жасап алса болот?

Инфографиканын артыкчылыгы - анда сүрөт менен маалыматтын айкалышткандыгы жана аны кабылдоо бир топ жеңил жана түшүнүктүү болгондугу. 

Учурда инфографиканы жасап алууну сунуштаган бир катар онлайн-кызматтар бар. Көбүндө акысыз колдонуу мүмкүнчүлүктөрү да каралган.

http://charts.hohli.com/

https://infogram.com/

https://www.canva.com/

https://www.visme.co/make-infographics/

https://creately.com/

#медиа

__________________________
Рубрикалар | Канал тууралуу | “Жол VIP"ге жазылуу | Колдоо Ачык / Комментарий

2022-06-14 10:05:20 Саламатсыздарбы.

Мен алып барган дагы башка телеграм каналдар тууралуу кабар берейин дедим. Балким, алар дагы сизди кызыктырып калаттыр:

"Кыргыз Поэзиясы" - кыргыз акындарынын мыкты ырлары. Күнүнө бирден ыр жарыяланат.

"КЫСКА-НУСКА" - кыска көркөм чыгармалар (жаңы ачылды). Айрымдары 5-6 сөздөн, кээ бирлери 55 сөздөн гана турат. Бирок алардын бардыгында чыныгы адабий чыгармага мүнөздүү бардык сапаттар бар.

Күнүнө 12:12де бирден кыска көркөм чыгарма жарыяланып турат.

Өзүңөрдүн чыгармаларыңар менен бөлүшсөңөр да болот. Ачык / Комментарий

2022-06-13 10:17:02 Кайсы бир документтин үстүндө чогуу иштөө керек болуп калганда, биз биринчи кезекте Google Docs кызматын эстейбиз. Бирок чогуу иштеше тургандардын айрымдарынын Gmail почтасы жок болуп калса маселе жаралышы мүмкүн.

Мындайда https://etherpad.wikimedia.org/ кызматы жардамга келиши мүмкүн.

Аны менен иштөө жолдорун сүрөттөрдөн көрө аласыздар.

#офис
__________________________
Рубрикалар | Канал тууралуу | “Жол VIP"ге жазылуу | Колдоо Ачык / Комментарий