BILESINBI.KG

Telegram каналынын логотиби bilesinbikggg — BILESINBI.KG
Telegram каналынын логотиби bilesinbikggg — BILESINBI.KG
Канал дареги: @bilesinbikggg
Категориялар: Фактылар
Тил: main.Kirgizian
Абоненттер: 4.08K
Каналдан сүрөттөмө

Кыргызстандагы жаштардын жана өспүрүмдөрдүн көйгөйлүү суроолоруна жооп алып берүүчү долбоор. Суроолорду узатып, жооп алсаңыздар болот.

Ratings & Reviews

4.50

0 reviews

Reviews can be left only by registered users. All reviews are moderated by admins.

5 stars

0

4 stars

0

3 stars

0

2 stars

0

1 stars

0


Акыркы Кабарлар

2022-10-07 14:35:20 Ажырашпай туруп үйлөнүп, качып жүргөн күйөөмө кандай чара көрө алам?

Үйдөгү мүлктөрдү жашыруун сатып, ажырашпай туруп үйлөнүп, качып жүргөн күйөөмө кандай аракеттерди кыла алам?

https://bilesinbi.kg/article/8615_Ajyrashpay_tyryp_yylonyp_kachyp_jyrgon_kyyoomo_kanday_chara_koro_alam/
587 viewsedited  11:35
Ачык / Комментарий
2022-10-05 18:13:46
4-класс кызым 1000 сомдуктарды уурдап жатат. Кантип бул жолдон кайтарам?

Кандайсыздар? Менин кызым 4-класстын окуучусу. Акча уурдап жатат. Эмне кылсам болот? Биринчи билгенде да, ачуум келип аябай урушуп, уруп салгам. Экинчисинде түшүндүрүп урушкам. "Сени эч ким көрбөсө да, кудай көрүп турат", ж.б ушул сыяктуу сөздөр менен. Бирок бүгүн дагы байкадым, аябай жиним келип, катуу урушуп, урдум. "Деги сен кандай адамсың?"- дедим. Эмне кыларымды да билбей калдым. Аябай кыжалат болуп жатам. Кантип тарбиялайм? Кантип бул жолдон кайтарам? 100-200 сом эмес, 1000-1500с өлчөмдө алып жатат.

Сиз кандай кеңеш бересиз ?
926 viewsedited  15:13
Ачык / Комментарий
2022-09-30 08:28:59 10 жашар баланын атасына жазган каты баарын ыйлатты

Менин сүйүктүү баатырым “Человек-паук”. Ал сыяктуу “крутой” болуп, кылмышкерлерди кармап, асманда учкум келет. Бул кинону күн сайын көрөм.
Жакында эле өзүм супербаатырдын баласы экенимди билдим.
Жакшы окуганым менен сөз укпаган тентекмин. Сабактан чыгып, Куба, Жами жана Арс төртөөбүз  жүрө беребиз. Үйгө кеч барам. Апам кабатыр болуп сыртта турган болот. Урушпайт. Келгениме сүйүнүп дароо тамагын ысытат.
Мектеп формамды бир күн кием. Ушунчалык кирдеп калат дейсиңер, экинчи ирет кийгенге жарабайт. Апам жууп коет.
Карындашым бар. Ал кичинекей. Эч нерсе түшүнбөйт.
Атам жумуштан түндө келет. Үйгө кирип эле апаман “баары тынчпы” деп сурайт.
Атам биз менен көп ойнобойт. Отурганда чуркап келип, байкатпай жонуна жабышсаң, “иий, ооруп кетти, балам антпей жүрчү”,-дейт. Дайыма биз уктап калганда келет. Бизди жаман көрөт окшойт.
Таенем ооруп калыптыр. Апам менен карындашым аны көргөнү кетти. Атам мени үйдө жалгыз таштагандан коркту окшойт, биринчи жолу жумушуна алып алды.
Атамды бир кабинетте отуруп иштейт экен десем, цемент, кирпич чыгарган заводдун жумушчусу экен.
Алгач бир кичинекей бөлмөгө кирип кийимдерин, кир, чаң, жыртык башка кийимдерге алмаштырды. Мага “ойной бер, бирок алыс кетпе”,- деди.
Атам кабинетте иштебейт экен деп көңүлүм түшүп калган. Ойногум келген жок. Сыртта бир стул бар экен. Ошого барып отурдум.
Атам жонуна эки каптан цемент коюп, камазга ташып баштады. Тери куюлуп жатты. Эс алган жок. Кайра колуна жыйырма кирпичтен жыйып алып, экинчи камазга ташып кирди. Мени карап, кол булгап жылмайып коет.
Түшкү тамактануу болду. Бир аял келип, жумушчуларга бир чыны шорпо, анан эки кесим нан таратты. Атам түртүшүп кезекке туруп, тамагын алып мени көздөй келди. “Ичегой, чарчадың го”,-деп мага сунду. Өзү бир сындырым нан жеп алды.
Бир киши келип, “Бүгүн бул каптардын баарын жүктөгүлө!”- деп жумушчуларды бакырып урушту. Атам эми жонуна үч кап цементти коюп ташый баштады. Буттары титиреп, жыгылайын деп барып туруп кетти. Көрсө, жону чын эле ооруган турбайбы. Байкатпай келип секирбей эле койсом болмок экен.
Түндө жолго чыктык.  Унчукпай жанында басып келаттым. “Ата, эртеңден баштап мен сага жардам берип иштейм”,- дедим. Атам дароо токтой калып, маңдайыма тизелеп отуруп, көзүмө карап, “Балам, мен сенин атаңдай болуп цемент ташып иштешиңди каалабайм. Карындашың экөөң окуп, мен бара албаган башка өлкөрлөрдү көрүп, чоң адам болуп чоңоюшуңарды кудайдан тилейм. Билесиңби балам, мен убагында окуйм десем, чоң атаң болбой койгон. Ошондо мен балдарым сөзсүз билимдүү болот, деп өзүмө сөз бергем. Балам, бул кургур кара күч бир күнү кетет, ал эми билим өмүр бою сени менен калат. Балам, билимдүү, илимдүү болсоң кыйналбайсың, курсагың да ток болот. Мектептен жакшы окуганыңды билем. Дайым сени менен сыймыктанам. Кээде силерге жетиштүү убакыт бөлө албай калам. Бирок, атаң силерди жакшы көрөт балам. Муну унутпа. Силер үчүн баарына даярмын. А сен акылдуу болуп, мен жокто апаң менен карындашыңа каралашып тур, макулбу?”
Акырын башымды ийкеп, атамды катуу кучактап ыйлап кирдим. Атам да мени кучактап ыйлады.
- Кеттик балдар, Куба бир сонун жер таптым деди.
- Мен барбайм, үйгө кетем.
- Ваай, эмне болду, кеттик бас.
- Жок, апам менен карындашым жалгыз, аларга жардам беришим керек. Эртең тест болот, ага да даярданам. Мен кеттим.


Реакция калтырабыз
1.7K views05:28
Ачык / Комментарий
2022-09-28 16:31:37
Сауд Арабиясында 2018-жылы гана аялдарга унаа айдоо укугуна уруксат берилген.

А сиздин айдоочулук күбөлүгүңүз барбы?

ооба
жок
1.6K views13:31
Ачык / Комментарий
2022-09-27 11:46:20 "Апам ким менен жаттың деп урушкан"

Көчөдө кыздар менен ойноп жүргөм. Бир маалда ич кийимим жылуу болуп чыкты. Анан бутуман ылдый кан агып баштады. Кыздар болуп чочуп кеттик. Үйгө чуркап жөнөдүм. Апам кир жууп отуруптур. Менин абалмды көрүп, "ким менен жаттың" деп урушуп кирди. Мен эч ким деп ыйлаганым эсимде. Анан экөөбүз бейтапканага бардык. Гинеколог эже апам экөөбүзгө баарын түшүндүрүп берди. Мен апамды күнөөлөбөйм. Апам деле бул боюнча билими жок болчу экен.

1.9K views08:46
Ачык / Комментарий
2022-09-26 12:13:17 Көздүн көрүүсүн жакшыртуу үчүн 6 көнүгүү

1 – Көнүгүү. 
Жалюзи
Көзүңөрдү 2 мүнөт тез жана жеңил ирмегиле. 
Пайдасы: Көздүн кан айлануусун жакшыртат.
2 – көнүгүү. Терезеге кароо
Пластилинден кичинекей тегерекче жасап терезеге чаптагыла. Сыртта алыста турган бир обьекти тандап алгыла. Бир нече секунд алыстагы объекти карап, кайра чапталган тегерекчени карагыла. Башты кыймылдатууга болбойт. Көнүгүүнү 2 мүнөт жасагыла.
Пайдасы: Көз менен фокус алууну жакшыртат.
3 – көнүгүү. Чоң көздөр
Түз олтургула. Көзүңөрдү 5 секунд бекем кысып, кайра чоң ачкыла. 8-10 жолу кайталагыла.  
Пайдасы: Көздүн булчуңдарын чыңдоого жардам берет.
4 – көнүгүү. Укалоо
Көзүңөрдү жумгула. 3 манжаңар менен 1-2 секунд үстүнөн катуу эмес басып тургула. 3 ирет кайталагыла.
Пайдасы: Көз ичиндеги суюктуктун айлануусун жакшыртат.
5 – көнүгүү. Гидроукалоо
Күнүнө эки жолу, эртең менен, кечинде көзүңөрдү чайкагыла. Эртең менен – биринчи ысык суу (күйүп калбагыдай), андан кийин муздак суу менен. Жатаар алдында  – тескерисинче, биринчи муздак суу, анан ысык суу менен.
Пайдасы: Көздүн кан айлануусун жакшыртат.
6 – көнүгүү. Көз менен сүрөт тартуу
• Өйдө-ылдый карагыла
• Оңго-солго карагыла
• Тегерек тарткыла
• Диагонал тарткыла
• Бат-баттан ирмегиле
• Сөөмөйүңөргө фокус алгыла, аны жакындатып, кайра алыстаткыла.

Реакция калтырыңыз
2.0K views09:13
Ачык / Комментарий
2022-09-26 09:19:18
Учурда Россия жеринде жүргөндөр барбы?
Anonymous Poll
37%
Ооба
63%
КРда элемин
332 voters1.9K views06:19
Ачык / Комментарий
2022-09-23 16:49:23 Кызык нерсе… Тапканымдын баары тамакка жана кийимге кетет. Ошентсе да, ар дайым ачкамын жана киерге эч нерсем жок

@karakyzsyry
2.5K views13:49
Ачык / Комментарий
2022-09-23 07:43:35 Келинине бир дагы жолу рахмат дебеген кайын эненин каты

Бүгүн мүрзөсүнө барып куран окуттук. Эстеликтеги атын окудум. Каза болгонуна дале ишене албайм. “Чай ичебизби же жокпу” деген сөзүн сагындым. “Таң эрте ойготтуң деп” короз менен урушканын сагындым. Эшиктин алдында жүгөрү чыгарып отураган элесин сагындым.

Көптөн бери бөлмөсүнө кире элекмин. Төшөктөрүн сыртка алып чыгып жайдым. Кийимдерин жууп, үтүктөп ордуна кайра койдум. Кайын эжелерим “бөлмөнү бошотуп, керексиз нерселерди ыргытып койбойсуңбу” дешкен. Колум барбады. Кайын энемди сагында ушул жерге келип китеп окуп жатам. Жыты бар.
Дарылардын аты, врачтар койгон диагноздору жазылган кагаздардын ичинен бир барак таап алдым. Кат экен. Кыязы көз айнеги жок жазган окшойт. Сөздөрү өйдө анан ылдый экен.

“Бул оору мени алып тынат окшойт. Жеңилдим. Күрөшкөнгө алым калбады. Балдарымды деле кыйнап койдум окшойт. Алар го мейли, өз турмуштары менен алаксып кетет. Могу келиниме кабатырмын. Боорукер неме мени жоктоп ыйлай берип соолуп калбаса экен. Жанагы киносун көрсө эле ыйлайт.

Жүдөтүп жөн отургузчу эмесмин. Эми эмне кыларын билбей зеригет. Бир жумуш берип койсомбу. Бул баары бир ыйлайт. Ооруп калбаса экен.
Уктагандан корком. Турбай каламбы дейм. Анын үстүнө көп нерсени унута баштадым. Карылыкка алдырдым окшойт. Бир жолу рахмат айтып койсом болмок экен. Мени андайга үйрөтүшпөттүр.

Келиним, кызым, алтыным... Бөлмөмө киргенге ашыкчың эле, кызыгып бул катты дагы таап чыгарыңа ишенем. Кийимдеримди дагы жууган болушуң керек. Тим эле койсоң болмок.
Мен сага ыраазымын. Бетиңе айта албадым. Жакшы көрүп урушуп жатканымды билчүсүң ээ? Күлүп турап элең. Ары тур дегениме карабай катуу кучактаганың жагат эле.
Акыркы күндөрү сен жанымда болдуң. Рахмат. Кийимдерим таза, курсагым ток, башым жуулган болуп көз жумам. Рахмат. Кайын эжелериң келип бөлмөмдү бошото бер деши мүмкүн. А мен билем, сен антпейсиң. Жакин менен урушканда кайда жатарыңды билем да.

Бирөөнүн кызын жакшы көрүп калам деп эч ойлобогом. Кыздарымдан артык кыз болдуң. Кайын энең сага ыраазы. Батамды берем. Бактыңды тилейм. Көз айнегимди жерге түшүрүп алдым. Медайым келсе алып берет. Сен келгиче дагы көп нерсе жазайын дедим эле. Көрбөй жатам.”
Катты катуу кучактаган боюнча ыйлап жаттым. Артымда күйөөм көз жашын төгүп карап турду.
Мерез жүрөгүмдү эмес, мерез мүнөзүмдү кечир!

Реакция калтырыңыз
3.5K views04:43
Ачык / Комментарий
2022-09-21 09:48:23
Моюну ооругандар үчүн көнүгүүлөр

Реакция калтырабыз
2.7K views06:48
Ачык / Комментарий