🌐BATKEN_TV

2022-10-07 17:31:00 Баткенде "Азамат" мектебинин 200дөн ашык окуучуга ылайыкталган жаңы имараты курула баштады

Аны ишке ашыруу үчүн Россия-Кыргыз өнүктүрүү фонду 400 миң доллар жеңилдетилген насыя бөлдү.

Аянты 1 380 чарчы метрди түзгөн 3 кабаттуу имарат мектеп тартыштыгы боюнча көйгөйдү четинен чече баштоого жардам берери айтылат.

@batken_tv Ачык / Комментарий

2022-10-07 16:57:32 Баткендин Халмион айылында өлкөдөгү алгачкы автоклавдык газобетон чыгаруучу завод курулат

Бул үчүн Россия-кыргыз өнүктүрүү фонду жеке ишканага 14 млн доллар насыя бөлүүдө.

Фонд башчысы Артем Новиковдун айтымында, бул Баткен облусундагы ири инвестициялык долбоор болуп эсептелет.
Ал ошондой эле ишкана кирешесинин 5 пайызын жергиликтүү тургундардын социалдык муктаждыктарына жумшай турганын айтты.

Заводдо 60 жумушчу орун болуп, жылына 160 миң куб метр газ блок чыгарат.

@batken_tv Ачык / Комментарий

2022-10-07 16:06:39 Жакшы кабар! 10-октябрдан тарта кыргызстандыктар жогорулатылган пенсия алышат.
Бул өзгөрүүлөр бардык пенсионерлерге тиешелүү

Социалдык фонддон билдиришкендей, пенсиянын базалык бөлүгү 1 780 сомдон 3 170 сомго чейин көтөрүлдү. Ал эми пенсиянын камсыздандыруу бөлүгү 15%га жогорулады.

Мисалы, мурда 5 миң сом алгандардын пенсиясына 1 843 сомдон кошулат.

Ал эми өлкөдө 735 миңден ашык пенсионер бар.

@batken_tv Ачык / Комментарий

2022-10-06 15:57:20 Баткенде Тажикстандын кол салуусунан курман болгон жоокерлердин аллеясын ачуу пландалууда

Министрлер кабинетинин төрагасынын орун басары Бакыт Төрөбаевдин айтымында, азыр мамлекеттик комиссия иштеп жатат. Ал баатырларга эстелик тургузуп, сүрөттөрдүн коюп, аттарын жазуу каралганын билдирди.

Белгилей кетсек, кыргыз-тажик чек арасындагы кандуу кагылыштын кесепетинен 62 адам көз жумган. Алардын ичинен Мекенди коргогон 50 жоокер өмүрүн берип, курман болгон.

@batken_tv Ачык / Комментарий

2022-10-05 10:25:14 Ноябрда кыргызстандыктар 4 күн катары менен эс алат

Тарых жана ата-бабаларды эскерүү күндөрү быйыл дүйшөмбү (7-ноябрь) жана шейшембиге (8-ноябрь) туура келет.

@batken_tv Ачык / Комментарий

2022-10-05 08:23:52 Кыргыз-тажик чек арасындагы кагылышуудан улам жабыркагандардын саны көбөйүп, 206га жетти

Алардын ичинен 115и ооруканада дарыланууда.

Буга чейин жаракат алгандардын саны 198 экени айтылып жаткан.

Сүрөттө Самаркандек айылындагы үйдүн урандысында отурган чек арачы.
@batken_tv Ачык / Комментарий

2022-10-04 12:15:00 Кыргызстандын бийлиги Баткен жана Ош облустарын калыбына келтирүүгө 3 млрд сом бөлөт

Акча кайсы максаттарга жумшалат:

аскердик инфраструктураны, социалдык, ирригациялык объекттерди оңдоо жана куруу

калкты таза суу менен камсыз кылуу

үй куруу

жолдорду реконструкциялоо

Сүрөттө Баткен районундагы өрттөнүп кеткен үй
@batken_tv Ачык / Комментарий

2022-10-03 09:29:01 Ижарага батир бергендер салык төлөшү керек. Муну Бишкекте ижара акысы кескин кымбаттап жатканына байланыштуу Салык кызматы эске салды.

Эгер кимде-ким бул салыктан качуу жолу менен башкаларга ижарага батир берип жаткан фактылар болсо, (0312) 613 189, (0779) 613 189 (WhatsApp) же 116 телефондоруна кабарлоо керек.

@batken_tv Ачык / Комментарий

2022-10-02 10:02:43 Индонезияда футболдон кийинки башаламандыкта 127 киши көз жумуп, 180 киши жаракат алды                                                    

Полициянын маалыматында, мелдештен утулуп калган команданын күйөрмандары оюн талаасына чыгып кетип, андан кийин экинчи тайпанын тарапташтары менен мушташкан. 

Тартип сактоо кызматкерлери аларды тынчтандыруу үчүн көздөн жаш агызуучу газ колдонгон. Мындан улам элдин  дем алуусу кыйындап, башаламандык огобетер курчуган.

@batken_tv Ачык / Комментарий

2022-09-30 13:00:22 Баткен облусунан эвакуацияланган бардык кыргызстандыктар үйлөрүнө кайтты

Бүгүн Бишкектен акыркы топ чыгып кетти. Үч күн ичинде 75 микроавтобус менен 1 645 жаран Бишкектен Баткенге жеткирилди.

@batken_tv Ачык / Комментарий