БОДУҢНУҢ ЭКИ ТАЛАЛАРЫҢНЫ ЧАЖЫРЫП ЧОР.
ӨСКЕЛЕРНИҢ ЭКИ ТАЛАЛАРЫН МАКТАП ЧОР.
Бистер колдуунда бодувусту мактап, өскелерни бактап чоруур бис. Ооң уржуундан эш-өөрүвүс ырап, чоок кижилеревис-биле болгаш долгандыр турар кижилер-биле эп-найырал баксырап турар. Эп-найырал баксыраанындан болганчок-ла дүвүрээзинге алзып, аас-кежик чок, эпчок байдалдар кирер болуп турар бис. Чүге дизе ол бактап турган өг-бүлевис, эш-өөрүвүс, дөргүл-төреливис-биле ужуражып дужар, харылзаа тудар байдалдар удаа-дараа тургустунуп келир. Ынчан бистиң кылган үүлевистиң түңнели көстүп, сагыш-сеткиливис дүвүреп, анчыг чүүлдерни көрүп, дыңнай бээр бис. Ындыг болганда бай-шыдалдыг, эрге-дужаалдыг, күчү-күштүг чорааш өскелерни бактап, куду көрүп кижи кылдыр санавайн дорамчылаан ажыы чок. Амгы үеде мага-бодувус каң-кадык, күчү-күштүг, бай-шыдалдыг, эрге-дужаалдыг, кымдан-даа хамаарылга чок болзувусса, бир хүн ол чүүлдеривис куду бадып, буураар үе чедип келир.
