Апрель-28 Чылан айның Улу хүнү-биле амыр мендээ. Ийи бедик амы | Борбаана Баржай

Апрель-28 Чылан айның Улу хүнү-биле амыр мендээ. Ийи бедик амытаннар ай чаазында уткужуп келгеннер. Буян кылыр болза 10 000 катап көвүдээр кайгамчык хүн. Чуртталгада манаваан чүүлдериңерниң кылдыныын тургузуп кылырынга таарымчалыг хүн.
- Мерген угааныңар-биле сүме сөстүг буян кылыңар.
- Амыдыралында көрүп, тудуп, кылып көрбээн ижинче кижини углажып баштажып бериңер! Ол эң улуг буян болур.
- Кылып удуртуп шыдавайн турар ижин кылып удуртужуп бериңер!
- Аарыг кижиниң сеткилин байыдыр буянныг сөстериңер-биле эмнеңер.
- Аштап чоруур черлик Ытың хырнын тотуруңар.
- Чем дилеп чип турар көге-буганы амырадыңар!
- Сеткилден ээлдек чылыг чымчак сөстүг болуп, кижилерге эки хамаарылгалыг болуңар!
- Буян кежиктиң өргүүлүн кылыңар! Муң муң катап буянның херелдерин чайнадып ап бодуңарны амырадыр сеткил хандыр сүзүктеп буянныг сеткилиңер- биле кылыксаар күзелиңер 108 катап сымыранып хүнзеңер!
Өршээ Хайыракан!
Тос Дээрим Долаан Бурганым!
7 Хаан сылдызым 7 Бурганым ээ көрүм мени өршээп буян кежикден хайырлазын.
Курай! Курай! Курай!.
Автор: Марта Иргит фэн-шуй эртеминиң специализи.Социолог.