#repost @sedenochur_karasal
Муңгаралывыс сөглеттинмес...
Үүлемниң багайы ол боор - ам база бир ыраажы дуңмамның дугайында кажыыдалдыг медээни аар сагыш-сеткилдиг бижип ор мен.
Дуңмамның төрүттүнгеш ада-иезинден алган адын Шораан дээр. Чаптанчыг элээди оол турда-ла уран-талантызын деткип студиявысче хүлээп ап алган мен. Чылдар эрткенде, амыдырал-чуртталганың аайы-биле Чараш-оол дуңмамның уран-чүүлден ырай бергени шын, ынчалза-даа акы-дуңма харылзаавыс үспейн чордувус.
Оон бир канчангаш-ла дыңнаарымга, күжүр дуңмамның Украинада болуп турар дайынчы операцияже киржип чорупкан сураа үндү.
Ада-чурт дээш, амыр-тайбың дээш, хосталга дээш Чараш-оолдуң амы-тынын бергенин, ханы кажыыдал-биле чонувуска дыңнадып тур бис.
Маадырлыг чорууңну, чараш сагыш-сеткилиңни, хүн дег хүлүмзүрүүңнү дириг чорааш утпас бис, Чараш-оол!
Муңгаралывыс сөглеттинмес...
ЛДО, СНТ-10, Цветочная кудумчузунда 6 дугаар бажыңдан январь 14-те 09-11 шактар аразында сөөлгү оруунче үдээр
#ДайынчыЭр #Чарашоол #КажыыдалдыгМедээ
