СӨГЛЕП БЕРЕМ, СЫЛДЫЗЫМ! КУСКЕ чылда төрүттүнген болзуңарза, К | Борбаана Баржай

СӨГЛЕП БЕРЕМ, СЫЛДЫЗЫМ!

КУСКЕ чылда төрүттүнген болзуңарза, Койгун чылында аар-берге орукту эртер силер. Артыңарда хоптажып турар кижилерже сагыш салбаңар. Бо чылда силер карак кызыл ажылдап тургаш улуг чедиишкинниг болур силер. Силерге кым-даа, чүү-даа доктар-моондак болуп шыдавас. Күскелерниң эки хүнү - суббота, саны - 3.

ИНЕК чылында төрүттүнген кижилерге Койгун чылында чедиишкинниг болур. Бот кижилер ынак эжин тып алыр, ашак-кадай улустуң аразында харылзаазы улам быжыгар. Ажы-төлдүг болуксаан кижилерге олчалыг чыл болур. Бодунуң кадыынче кичээнгейни салып, эмчи шинчилгезин эрттер, сагыш-сеткил, угаан-медерел аарыын эмчилээр. Инектерниң эки хүнү - четверг, саны - 10, өңү - сарыг, хүрең, ак, алдын-сарыг, ак-куу.

ПАРЛАРГА Койгун чылы шупту чүүлдерни деңзигүүрлеп каан чыл болур. «Мен» деп бодун тогдунарын уткаш, четпестерин, чедимче чок болган чүүлдерин кичээнгейге алыр болза эки. Дузалажып чоруур кижилерге албан четтиргенин илередир. Парларның эки хүнү - вторник, саны - 9.

КОЙГУН чылында Койгуннар хөй-ле элдептиг болгаш ужур-утка чок, будалчак ээр-дагыр оруктарлыг болур. Ынчалза-даа олар октаргайның сылдыстарындан камгалалдыг болганынын утпас болза эки, олар койгуннарны камгалаар. Койгуннарның эки хүнү - среда, саны - 6.

УЛУ чылдыг кижилер Койгун чылында ажылының бедик чадазынче үнер, чамдык Улулар тускай үндүрүг чиигелдезинге таваржыр азы акша шаңналдарлыг болур. Бот кижилер карьеразын бодаза эки, эштиг кижилер хөй шенелдени эртип, бодунуң кылыын хынамчага алыр. Улуларның эки хүнү - пятница, саны - 7.

ЧЫЛАН чылында төрүттүнген кижилер Койгун чылында ажыл-ижинге бодун көргүзүп тургаш үнелээшкинни алыр болгаш депшилгелиг болур. Бот кижилер үр болбайн эштиг апаар, эштиг кижилер эжинге хамаа-рыштыр чөрүлдээ үндүрбес болза эки. Чыланнарның эки хүнү - понедельник, саны - 3.

АЪТТАРГА Койгун чылы кончуг нарын чыл болур. Акша-төгерик талазы-биле кичээнгейлиг болганы дээре. Далаш чорбас, далаш чоруктан бодунуң кызып тургаш чедип алган чүүлдери мелегей частырыгларга чедирер. Ынакшыл талазы-биле таарымчалыг байдалдар тургустунуп келир болгаш магаданчыг аас-кежикти экээр. Аъттарның эки хүнү - улуг-хүн, аас-кежиктиг саны - 5.

ХОЙЛАР Койгун чылында дуржулгалыг, ажыл-ишчи орукту шилиирде бодунга тааржыр болгаш дески медерелдиг амыдыралды тудар. Сагыш-сеткил хайныышкынынга алзыр болза, сандаргай чорукка чедирер. Бодунуң угаан-сарыылын, иштики сагыш-сеткилин, мага-бодун, тыныжын медитация дузазы-биле оожургадып, эмнеп алыр. Хойларның эки хүнү - среда, аас-кежиктиг саны - 8, өңү - сарыг-кызыл, кызыл, өкпең өңнүг.

САРБАШКЫННАРГА Койгун чылы хөй-ле өскерлиишкинниг чыл болур. Ажылдап турар кижилер чеже-даа сонуургал чок, ажылы берге болза, ажылын уламчылаар, акша-төгерик немежир болур. Бодунуң кадыынче кичээнгейни салыр. Дыштыг удуп, бодунуң кадык байдалын хынамчага алыр. Сарбашкыннарның аас-кежиктиг өңнери - ак, алдын-сарыг, чырык-куу, эки хүнү - пятница, аас-кежиктиг саны - 9.

ЫТТАРГА Койгун чылы таарымчалыг чыл болур. Ажыл талазы-биле өскерлиишкиннер болур-даа болза, эки талага экээр. Бот кижилер онзагай кижиге дужар, эштиг улустуң аразында харылзаазы быжыгар. Төлдүг болуксаан кижилер олчалыг болур. Ыттарның эки хүнү - четверг, саны - 2.

ДАГАА чылдыгларга Койгун чылында аар-берге ажылдан дезип шыдавас, чиик орук дилээр болза, берге айтырыг, чөрүлдээ тургустунуп болур. Сиилең чарыгдалдар кылбайн, камналгадан кылыр. Дагааларның өңнери - сарыг, ак, алдын-сарыг, ак-куу, эки хүнү - вторник, эки саны - 5.

ХАВАН чылында төрүттүнген кижилерге Койгун чылы ниитизи-биле эки чыл болур. Коллегалары-биле харылзаазы экижиир, ажылынга депшиир. Бизнес-биле ажылдап турар кижилерге бизнезин калбартыр арга тургустунар. Кадыынче кичээнгейден салыр. Хаваннарның эки хүнү - суббота, саны - 3, өңнери - кара, сарыг.