Эргим чонум, дыңнакчыларым!
Элээн чылдар ишти силерге бодумнуң шаам-биле ырыларны күүседип-ле чордум. Ынчалза-даа бодумнуң хууда "Борбаана Баржайның ырылары" деп чүүл 2022 чылда "Чаңгыс борбак эжим" деп альбомумдан эгелей берди. Черле чааскаан шыдаптар мен деп чүүл меге деп чүвени кежимге көрдүм. Анаа эвес тыва чоннуң үлегер домаа "ЧААСКААН ЧОРБА ЭШТИГ ЧОР.." дээн, ам ыраажы кижиге хамаарыштыр "ЧААСКААН ЧОРБА ПРОДЮСЕРЛИГ БОЛ" дээр болза эки хевирлиг.
Продюсерим Седен-Очур Павловичиниң чогаадып бижип берген ырылары мени бир бедик деңнелче үндүрүп эккелгенин эскерген боор силер чонум, дүн-хүн дивейн кылган ажылы дээш, анаа амыдыралда ажыктыг арга-сүмези дээш Седен-Очур Павловичиге мөгейдим! Ол ышкаш уран-талантылыг хөгжүм каастакчызы (аранжировщик) дуңмам Аңгырак Ондарга база ыраажы эжим Шеңнеге өөрүп четтирдим!
"Чаңгыс борбак эжим" деп ырывыс 2022 чылдың "ТОП-1 ТЕРГИИН ЫРЫЗЫ" болду, а үндүрген альбомум "ЧЫЛДЫҢ ТЕРГИИН АЛЬБОМУ" деп атка төлептиг болду!
