НАСЫБЫМ Нарат чегет шууулдай тургъанча, Таза тау суу боркъулд | Азатлыкъны макъамы 📖

НАСЫБЫМ

Нарат чегет шууулдай тургъанча,
Таза тау суу боркъулдай баргъанча,
Мийикде байракъ къалтырай тургъанча,
Ой Ана тилим, Къарачай тилим!

Эски Минги Тау агъара тургъанча,
Акълыгъы уа — ма бюгюн туугъанча,
Ол бизге къарт, джаш да болгъанча,
Эй Ана тилим, Къарачай тилим!

Чегет шууулдар. Джулдуз джылтырар.
Таулу дауурдан тогъайыб турур тар.
Сюймеклик кёзлеуде джууунурла сёзле,
Къарачай къылыкъ турур юсюбюзде.

Туугъандыла, тууадыла, тууарла сабийле
Къыш, джаз, джай, къач.
Мен ахыр къарачайлы тюлме джер юсюнде,
Ма олду – насыб, ма олду — къууанч.

Ташы чхыныргъа болур къаядан.
Алай а, кетсе да, къалыр джеринде.
Ана тилимден кетмесин бир сёз,
Мен кетсем да, джашасын сизде.

(с)Лайпанланы Билал